Bu yıl Gagauziya Kultura bakanı kabletti kararı kvest intellektual oyunu geçirmää. «İnca zanaat sızıntısı» oyunu resim şkolaların arasında geçti. Bu yıl olay Gagauziyanın 30-cu yıldönümünä adalı.
«İncä zanaat sızıntısı» intellektual ouynnarında Gagauziyanın resim uşak okulların üürenicileri pay aldılar: Valkaneş,Çadır hem Komrat kasabalarından .6 komanda- genç resimcilär 7 raundta yarıştılar,angılarında gagauzların istoriyä, incä zanaat,kultura hem adetlerlär için soruşlara cevapları verdılär.Yaratıcılık uurunda yarışmakta uşaklar kendi bakışlarını, duygularını dünneyä resimnerindä gösterdilär.
«Bän burayı ikincilä geldim.Sanȇrım, bu sefer enseyecäm.Biz taa derindän incä zanaat istoriyasını üüreneriz, resimcilärlän tanışȇrız.Pek beendim duygularlan baalı raundta calışmaa, resimnerdä onnarı göstermää».
«Bölä olaylar bizim kasabamıza hem evlat boylarımıza pek lääzımnı.Görmää komandaların hazırlanmasını — bu pek önemni.Atmosfera galereyada verer bana kuvet hem ihlam».
«Вän sayȇrım ,ani bu yarışmaklar yapȇrlar bizi taa kuvetli, taa kaavi.Açan biz gereriz oynamaa, biz pek şen olȇrız.Bizdä var örneklär, bizim resimcilär-Pötr Fazlı,onnarın tabloları .Biz dä savaşacez onnar gibi olalım».
Uşakların bakışlarına görä kvest meraklı geçti, çizgiledi Kultura bakannıın uzmanı Anna Rusu.
«Çok gözäl atmosfera burada.Uşaklar sevinçli.Biz onnara diplomnarı,baaşışları hazırladık»,- nışannadı Anna Rusu.
Uşak resim okulların öndercileri şükür ederlär bakannıı bu meraklı intelektual olay için,neredä genç resimcilär kendi bilgilerini açıklȇȇrlar.
«Hazırlandık,gösterecez kendi talantlarımızı ,nasıl beeneriz,severiz devletimizi -Gagauziyamızı»,- Lüdmila Onofrey, Valkaneş resim okulun başı, nışannadı.
Gagauziyanın resimcileri yılın süresindä hazırlandılar, ki geçirmää intelektual ouynnarını,angıları avtonimiyanın 30-cu yıldönümünä baalı, nışannadı kultura bakanı Marina Semönova: «Sevinerim ,ani galereyamızda toplandı bukadar çok talantlı uşak. Onnar incä zanaat urunda çalışȇrlar. Hepsici hazırlandılar, bilerlär, ani bu kvest Gagauziyanın 30-cu yıldönümünä adalı. Onnar barabar çalışȇrlar, galereyada da örnek alȇrlar.Bakȇrlar talantlı resimcilerin tablolarını».
