M. Maruneviç adına Bilim aaraştırmak merkezindä tombarlak masa geçti. Oluş Türkiye Respublikasının ȇks-prezidentinä Suleyman Demirelinä adandı. Bu yıl o 100 yaşını nışannayaceydı. Suleyman Demirel Moldovanın hem Türkiyenin aralarında baalantıları kaaviletti. Öndercilik yıllarında o tutturdu Gagauz avtonomiyasının kuruluşunu.
Türkiye Respublikasının Prezidenti Suleyman Demirel, angısı devletini 1993 — 2000 yıllarda öndercilik etti, Moldova hem Türkiye devletlerin ralarında istoriya izlerini braktı. Gagauz halkı bunu halizdän duydu. Türkiyä Demirelin önderciliindä gagauzları, nicä milleti, kultura avtonomiyasının kuruluşunda aktiv tutturdu, urguladı Komartta Türkiye Konsulu Adnan Hayal.
««Baamsız Moldovayı sade Gagauziyalyan görerim. Gagauz halkı iki devletin Türkiyenin hem Moldovanın ararlarında köprüydür», sölemiş Suleyman Demirel»,- urguladı Komartta Türkiye Konsulu Adnan Hayal.
1994-cü yılda Gagauziya Moldovanın içindä olarak, Avtonomiya statusunu kabletti. Türkiye bu diplomatika statusun usluluklan kabledilmesinä yardımcı oldu, söleer M. Maruneviç adına BAM başı İrina Konstantinova: «Pek önemli, ki Suleyman Demirelin ilk gelmesindä diplomatlar, iş adamnarı, politiklär geldilär. Ozaman açıklandı soruşlar, ne baalıydı soţial-ȇkonomika tarafından».
Türkiye Gagauziyanın gençlerin üüretim uurunu tutturdu. Verildi hepsi koşullar, ki bizim uşaklarımız aşırıda üürensinnär.
«O çok yardım etti KDU-nä, çoyu studetntlär ozamannar Türkiyeye üürenmää gittilär. Komratta su geçirildi»,- söleer Konstantinova.
Demirel gagauzlara türk dünnesinä girän halkların aralarında ön verärdi, belli etti Moldovanın Türkiyedä ȇks-elçisi Viktor Ţvirkun: «Gagauz Eri Türksoyun pay alanı oldu Suleyman Demirelin zaametinnän. Gagauz avtonomiyasının onuncu yıldönümündä ona en büük orden verildiydi».
Suleyman Demirel kendi Gagauziyaya geldi. O liderlärlän, yaşayannarlan buluşardı. Demirelin önderciliindä halkımıza ȇkonomika tarafından büük tutturmak oldu büün dä ilelrlediler.
