Kirsovo küüyündän ustanın Natalya Kahramanın zanaatında özel eri tatlı testelär kaplȇȇrlar. Özel kompoziţiyalar çiçeklerin gözelliini hem sevgili tatlılıkların dadını bireri toplȇȇrlar. Onnarı yapan Natalya Kahraman – becerikli usta, donaklamak incäzanaatını haliz ustacılaa çevirdi.
Herbir kompoziţiya derin ihlamdan, ii hazırlanmaktan hem inceli iştän başlȇȇr. Tatlı testelerin temelini şokoladlar kurȇrlar. «Оnnar dekorativ materialınnan kaplanȇrlar, angıları çiçeklerin yaprakların erlerinä kullanılȇrlar da käämil kompoziţiyaya dönerlär»,- söleer usta Natalya Kahraman.
«En önemli, ki fantaziya çalışsın. Duuma günnerinä, düünnerä büük testeleri vardır yaptım. Ama diil sade laaleleri. Onnar gözäl dä, tatlı da olȇrlar. Tatlılıkları insanın istediinä görä alȇrım»,- söleer usta.
El ustasına deyni herbir testä unikallı – olsun o duum gününä deyni baaşış, romantikalı sürpriz yada yortulu kompoziţiya. Herbirinä o canını koyȇr.
«Eni Yıl en sevgili tema. Yortuya karşı türlü tatlı oyuncak soyunda testeleri yapȇrım. Taa büük tä, taa küçük tä olȇrlar»,- söleer Natalya.
Ustanın incellii çekiler diil sade testenin ȇstetikalı görümündän, ama materialların uydurmasından da. O diri çiçekleri, gofra kiyadını, dekorativ ȇlementlerini, atlas şiritlerini kullanȇr.
«Testeleri toplamak için butakım sopacıkları kullanȇrım. Butakım kiyadı, o yayılȇr hem çiçek testelerini kaplamak için kiyadı»,- söleer usta. .
Tatlı testelär sıcaklık simvolu olȇrlar, duyguları açıklȇȇrlar özel formada. Onnar diil sade tatlı baaşışlar,onnar haliz incäzanaat.
