Kıran ayın 3- dä bütünnä dünnä nışannȇȇr halklararası gününü kolaylıksız insannar için. Bu günün neeti — diil sade getirmää hepsinin akıllarına, ani önemli birtürlü haklar hem kolaylıklar, ama vakıtta düşünmää, nicä cümnä var nasıl yapsın taa kolay yaşamayı. Moldovada kolaylıksız insannar için giriştirildilär ȇlektron koşulları.
Moldova devletindä çalışȇr bir sıra ȇlektron koşulları, angıları doorudulu ilinnetmää kolaylıksız insannarın yaşamalarını. Millet soţial sigortalamak kasasının koşulları yakışıklı oldular bu yılın çeketmesindä. Dolay soţial sigortalamak kasasının öndercisi Praskovya Bratunova söledi, ani bu yıldan bu insannarın kategoriyaları soţial yardımını kabletmää deyni diil lääzım gelsinnär kuruma. Biz çekettik avtomatika paraların vermesinin proţesini, ki bizim kolaylıksız insannarımız harcamasınnar vakıtlarını ofisin gelmesinä, hem da danışmakların verilmesi için, çizgiledi Praskovya Bratunova.
«Hepsi bu informaţiya geler medik kurumnarından, angıları doorudulu belli etmää kolaylıksız insannarın uurlarını, deecez — bu VTȆK hem da KVȆŞ. İnformaţiya işlettiriler Millet soţial sigortalamak kasasının uzmannarınnan, dokumentsiz hem da danışmaksız. Hepsi bu informaţiya işletiriler informaţiya sistemasında, da elbetki koyulȇr o paranın sayısı, angısı çekiler kolaylıksız insannarın uurlarından»,- nışannadı Praskovya.
Zamandaşta kolaylıksız insannar var nasıl Millet soţial sigortalamak kasasının platformasında üürensinnär informaţiyayı pensiyalar için hem da posobiyalar için, baksınnar kendi stajlarını.
«Spravkaların sayısını bütünnä indirdik. Biz kullanȇrız sade o informaţiyayı, angısı var bizim sistemamızda. Da onun için, erlim varsaydılar bölä soruşlar üürenmää deyni, ozaman biz açȇrız telefon üürenmää deyni nesoysadı momentleri. Biz çalışȇrız insansız»,- nışannadı Bratunova.
Millet soţial sigortalamak kasasının öndercisinin Praskovya Bratunovanın laflarına görä, bu diişilmeklär doorudulu taa kaliteli yapmaa kolaylıksız insannarın yaşamalarını, verip onnara birtürlü kolaylıkları soţial haklarına deyni.
