Politika durumunu avtonomiyada baktılar hem açıkladılar mitingın pay alannarı, angısı geçän dinnenmäk günnerindä Komratta geçti.
Mitingta Komratta laf gitti onun için, ani lääızım merkez hem regionun kuvetleri barabar işlesinnär, ki yaşayannar kendilerini raat hem mutlu duysunnar, söledi aktivist , mitingın kurucusu Mihail Vlah nışannadı: «Moldova o lelek. Ama onun iki kanadı o Gagauziya hem Pridnestrovye. Da açan onnar birerdä, Moldovada var ii hem gözäl gelecää».
Lääzım hepsi uurlarda deputatların syezdını geçirmää, angısında lääzım pay alsınnar kuvetlerin temsilcileri. Lääzım birleşmää hem kararlamaa, ne hem nicä ileriya dooru yapmaa, nışannadı kendi sözündä aktivist Aleksandr Panov: «Danışmaa merkez kuvetlerinä, çeketmää annaşmaları hem dialogu kurmaa Gagauziyanın hem merkez kuvetlerin aralarında».
Avtonomiyanın kanoncuları hazır çeketmää işlemää parlament iş grupasında, bildirtti GHT deputatı Nikolay İvançuk: «Biz isteeriz kimi kabledilmiş soruşlarda kararlar olsunnar. Biz görelim, ani merkez kuvetlerin tarafından var havez . Da biz barabar oturacez da problemaları bakacez. Biz bir evdä yaşȇȇrız».
Mitingın sonunda rezolüţiya kabledildi, angısını hepsi kuvetlerä doorudaceklar.
