Nouabri ayın 14-dä Komratta S.Kuroglo adına gimnaziyasında Respublika uuru «Sub cușma lui Guguța» intelektual oyunnarı çempionatın yarıfinalı geçti. Bu çempionat artık 7-ci keret geçiriler. Gagauz eri okullarından hem liţeylerindä yarı finala 6 komanda katıldı. 4 komanda finala geçti.
«Sub cușma lui Guguța» intelektual oyunnarı çempionatın final oyunu noyabrinin 22-dä olacȇk. Katılacȇk 26 komanda bütün devlettän. Bu sayıda 4 komanda Gagauz Erindän. Finala geçtilär: gimnaziyaların sayısından — Çadır kasabasının M.Guboglo adına liţeyin «Prietenii lui Guguță» komandası, Komrat kasabasının D.Mavrodi adına liţeyin «Три на три» komandası; liţeylerin sayısından — Valkaneş kasabasının A.Doljnenko adına leţeyin «Cпиридон» komandası hem Kazayak küüyü liţeuin «SHAWERMA»komandası.
«Seviineriz, ani bu yortuya katılȇrız».
«Geçän sıra da yarıfinala geçäbildik. Bu sıra bekim taa başarılı olacȇz».
«Sevineriz. Bu sıra taa ii kiendimizi gösterdik».
«Sub cuşma lui Guguţă» milli intelektual çempionatına bu yıl 11 863 üürenici devletin hepsi üüretim kurumnarından katıldı. Bu eni rekord. Bıldır bu sayı yakı 8,5 bin kurardı. Bu yıl çempionatın ilk ȇtapında Gagauziyayı 2160 üürenici temsil ettilär. bu sayılar taa büük olsunnar lääzım, söler Moldova intelektual oyunnarı asoţiaţiyasının başı E.Poläkov. O açıkladı, ani gelän yıla Okul intelektual ligası kurulacȇk. Devletin herbir okulunda İntelektual klubu olacȇk.
«Busoy çempionatlar islää, ani geçirilerlär. Amma üürenicilär taa üüsek başarılı olsunnar deyni onnar taa sık intelektual oyunnarına katılsınnar lääzım. Baarim ayda 1 keret oynasınnar lääzı. Her afta oynarsalar taa ii olacȇk»,- Moldova intelektual oyunnarı asoţiaţiyasının başı Evgeniy Poläkov nışannadı .
Soruşları Moldova intelektual oyunnarı asoţiaţiyası kuracȇk. Oyunculara doru cuvaplar için bal koyulacȇk. Bu ballara görä devlet üüru reytingı kurulacȇk.
