Gagauziya Başkanı Evgeniya Guţul buluştu Türkiyedän delegațiyaylan, angısı Bakannık komitetin teklifinä görä bu günnär Gagauziyada bulunêr.
Buluşmakta sport klubları federațiyasının başkanı Metin Kırlan hem Ünye beledieyesi sport müdürü Murat Ülgen hem Gagauziya başkanı Evgeniya Guţul açıkladılar gerçekleştirilmiş hem gelecek proektleri. Avtonomiyanın Başkanı çizgiledi, ani bıldır regionun partnörları yardım ettilär Gagauziyada geçirmää halklararası taekwondo hazırlanmaklarını, neredä avtonomiyanın sportçularınnan Türkiyenin en ii trenerleri çalıştılar.
Şindi, nıcä çizgiledi Evgeniya Guţul, plannarda var bir annaşmayı imzalamaa, angısı başka sport çeşitlerinä deyni eni kolaylıkları açacek. İlk barabar yarışmak, veterannar arasında futbol oyunu, artık bu yıl geçirilecek. 2025-ci yılda spоrtçular avtonomiyadan Ünye halklararası sport festivalindä pay alaceklar.
