Moldova devletin yaşayannarı kasım ayın 4 – dän vererlär danışmaklarını yılın suuk zamanına kompensaţiyayı kabletmäk için.Bunun için haberlendi pres – konferenţiyada Moldova iş hem soţial koruması ministrusu Aleksey Buzu.
Kabletmäk için kompensaţiyayı sçotlara görä, ilk gün verildi 50 bin danışmaktan zeedä, haberleer Moldova devletin iş hem soţial korumasıministrusu Aleksey Buzu.
«Bıldır biz geçirdik yakın 40% büdjetı kompensaţiyalar için, para formasında. Açan bizdä 12 zedä ȇnergiya verän kurumnarı sçotların içindä koyulu proţesinnan, bu pek zor iş, pek dar grafik, garantiya vermää deyni, bunun için biz bakȇrız hepsi proţeduraları, verärkän kompensaţiyaları sçotlardan»,- dedi Buzu.
Moldova devletin iş hem soţial koruması ministrusu Aleksey Buzu çizgiledi, ani devlet gözledecek, ki paralar harcanmasınnar başka işlär için, kullanıcılarda sa toplanmasınnar borçlar.
«Risk ödämemää deyni yaşayannara bizim bakışımıza görä, pek az. Biz inanȇrız Moldova devletin yaşayannarına. Onnar hepsindän taa zedä bilerlär, nicä kullanmaa paraları kendi çorbacılında. Kişinöv kasabasında hem da başka kasabalarda kompensaţiya kullanıcıların çoyu — bu pensionerlär. Bu gruppa taa esaplı. Onnar borçları ödeerlär taa ilk gün, sabaylen gelerlär sayıya koyulsunnar deyni»,- sayȇr ministru.
Yardımın kabledilmesi için bakılı 11 ayırılmak kriteriyaları hem danışmaların verilmeleri.
«Biz analiz yapacez vergilerä, angıları var danışmalarda, hem da o informaţiyaya, angısı bulunȇr vergi bölümündä, vergilär kazanç parasından, yılın gelirleri, dividendlardan vergilär, arendaya verän kvartiraların vergilerini, fizik insannarın vergileri»,- nışannadı Korina Ayder, devlet sekretari.
Uşaklar için posobiyalar bakılaceklar aylenin vergilerindän. Bunda, taa zedä esaba alınaceklar aylelär küçük uşaklarlan. Nicä dä o insannar , angılarında var ipoteka kreditleri, heberledi devlet sekretari Korina Ayder.
«Benefiţiarlar kabledeceklär yardım üç varianta görä. İlk — soţial kartaya, poçta bölümüm yardımınnan, yada başka kartaya, erlim siz kablettisäydiniz nesoy sa kompensaţiyayı devlettän: posobiya uşaklar için, pensiya hem başka türlü posobiyaları, o zaman kabledeceniz bu kompensaţiyayı bu kartaya, yazmayıp kartayı danışmaya. Erlim geçtisäydi kartanın vakıdı, ozaman var nasıl kabletmää kompensaţiyayı türlü poçta bölümündä pasportlan. Hep ölä ekledilär opţiyayı benefiţiarlar için, angıları isteerlär kabletmää kompensaţiyayı başka türlü, danışmakta lääzım yazmaa sçotu, angısı sayıya koyuldu Moldova devletindä, danışmacının adına»,- çizgiledi sekretar.
Kompensaţya ȇlektroȇnergiya için veriler sade o kullanıcılara, angıları için ȇlektroȇnergiya sayılȇr öz sızıntı gibi yılın suuk zamanında. Evlär, angıları için ȇlektroȇnergiya sayılmȇȇr öz sızıntı gibi yılın suuk zamanında, yok hakları ȇlektroȇnergiya kompensaţiyası için.
