Saalık korumak Milli Agenstvosu bu yıl da katıldı halklararası haberlemäk kampaniyasına, angısında laf gider kurşunun zararı için insannarın saalıklarına hem naturaya.
Kurşun otalıklarınınnan güreşmesi Halklararası aftasının süresindä oktäbrinin 20-dän — 26-nadan devlettä informaţiya hem haberlemäk olayları geçirilerlär. Onnarın süresindä yaşayannara kurşunun zararı için insannarın saalıklarına hem naturaya annadȇrlar hem bölä olaylardan korunmak olaylarını açıklȇȇrlar.
Bu kampaniya doorudulu bütün dünnedä kurşun boyaların kullanmasının durgudulmasına hem hak tarafından lääzımnı dokumentlerin işletmesinä, angıları bütün dünnedä bölä boyaların kullanılmasını hem satılmasını durgudacek. Uzmannar nışannȇȇrlar, ani kurşun elementi insanın saalıına pek engel etsin yakışȇr. Uşaklar taa kolay bu elementlän otalansınnar var nasıl, çünkü onnarın güüdesi bu elementi 4-5 keredä taa çok çeksin yakışȇr.
Uzmannar belli ettilär, ani bu element engel eder uşaan neyrokognitiv, merkez nerva sistemasına, kalp-damar, kan sistemalarına, böbrek hem imunitet sistemalarına. Dünnä Saalık kurumun sayılarına görä , 2019-cu yılda 1 mln. insana yakın bütün dünnedä kurşun elementi baskısından geçindilär haberleer Noi.Md.
Uzmannar teklif ederlär boyaları kullanarkan pek dikkat onnarın içindeliini üürenmää hem şüpä varsa boyanın korkunçsuzluk dokumentlerini ekonomika agentlerindän istemää.
