Otäbrinin 20 – dä Moldova devletindä geçtilär Prezident seçimneri hem Devlet Konstituţiya Referendumu, angısının neeti – yazmaa konstituţiyaya iki eni punkt, angıları göstereceklär Moldova devletin kursunu — kayıl mı insannar Evropa birliinä girsinnär, o sa diil kayıl mı. «GRT» CK uzmannarı üürendilär avtonomiyanın yaşayannarından, ne iş için onnar seçtilär ilk turda, hem hazır mı onnar katılmaa Prezident seçimnerin ikinci turuna, angısı geçecek kasım ayın 3 – dä.
Avtonomiyanın yaşayannarı çizgiledilär, ani oktäbrinin 20 – dä onnar pay aldılar seçimnerdä o üzerä, ki yapmaa kendi borcunu.
«Çıktınız mı seçimnerin ilk turuna? Çiktım. İkinci tura düşünersiniz mi çıkmaa? Düşünerim».
«Seçtik. İkinci tura gideceyniz mi? Gidecez».
«Söläyiniz, dün seçimnerä çıktınız mı? Çıktık. İkinci tura çıkaceynız mı, çıkacez».
«Çıktım».
«İkinci tura gideceyniz mi? Gidecäm».
Avtonomiyanın yaşayannarı annattılar, ne iş için onnar kendi seslerini verdilär- Moldova devletin gelecää için.
«Hepsini lääzım diiştirmää,cünkü büünkü yaşamak diil ii. Gençlär kaçtılar, ihtärlar işlämeerlär, kim işleyecek. İşçileri kaybederlär, kaybedeceklär dä. Bölä gidärsäydi taa iki— üç yıl, bitti Moldova, kalacȇklar sade dädular hem babular».
«Ne iş için siz dün seçtiniz? Ki olsun islää yaşamak, gözäl, diil sade Moldovada, ama bütün dünnedä olsun usluluk, birlik. Uşaklar da görsünnär islä yaşamayı, neçinki biz gördük».
«Ayırmaa ölä insanı, kimin canı acıyacȇk insan için, da yapacȇk bişey insan için, diil kendisi için, kendi cöbü için, ama insan için».
«Ne istersiniz diişsin? Olsun usluluk dünnedä, saalık hem Alla korusun bizi herbir taraftan, da islää olsun».
«Uşaklar hepsi aşırıda bulunȇrlar. İki kızım var, ikisi dä sınır aşırı. Bän yalnız kaldım bu yaşta. Pek canım acȇȇr, ani uşaklar yok benim yanımda. Ani lääzımdılar olsunnar şindi benim yanımda, diil benim yanımda. Onnar gittilär, zerä burada kazanç yok, da gitti uşaklar».
Moldova devleti Prezident seçimnerin ikinci turu noyäbrinin 3 – dä geçeceklär.
Avtor: P. Barbova, operator: V. Kıssa, montaj: A. Topal