Bizim çekim grupamız bulundu Kıpçak küüyündä, neredä danıştı insannara soruşlan -Neyi bekleerlär bu seçimnerdän hem neyä umutlanȇrlar? Yaşayannarın cuvapları böläydilär.
«Bän büün verdim sesimi Moldovanın geleceyi için. Onun baamsızlıı için. Teklif ederim hepsini gelsinär kıyat atmaa. Prezident seçimneri için dä söleyecäm, ani var kandidatlar. Var kimdän ayırmaa».
«Seçimdä pay aldık devletin geleceyi için, Moldovanın ilerlemesi için hem onun için, ki uşaklarımız şindän sora evä dönsünnär, zerä hem Moldova, hem küülerimiz boşalȇr. Tarasın te o, kim Moldova için düşüner».
«Verdim sesimi kaavi usluluk için, ki bilmää ne sabaa olacȇk bizimnän hem Moldovanın stabil durması için. Sizi dä teklif ederim çıkasınız da veräsiniz sesinizi o kandidat için, kim hepsini bunu sizä veräbilecek».
