Komratta geçirildi 36-nci Dolay Seçim Nasaatın oturuşu,angısında 4 soruş bakıldı nasaatın azalarınnan.İlk soruşta azalar kablettilär «Piligrim Demo» cümnä birliindän teklif edilmiş milli gözledicilerin kandidaturalarını. Kısa komentariyayı oturuştan sora verdi nasaatın sekretari Elena Gümüşlü.
«Piligrim Demo” cümnä birliindän temsil edildi 15 kandidat milli gözledici görevinä.İki temsilciya yasak oldu pay alma kimi sebeplerä görä.Kabledildi 13 kişinin kandidaturaları bu uurda. İkinci soruşta bakıldı GRT cümnä kompaniyasından jurnalistlerin akkreditaţiyası. Vardı 7 danışmak. Dolay seçim nasaatı belli etti, angı jurnalistlerdä olacek hak pay alamaa bületennerin saymasında seçim bölümnerin kapanmasından sora. Bundan kaarä içindeki diişilmekleri kablettik, uzmannar, angıları aylä sebeplerinä görä pay alamayaceklar seçim proţesindä, diiştirildilär 2 seçim bölümündä»,- Elena Gümüşlü söledi.