Merkez Seçim komisiyası bütün devlettä seçimnerä karşı «Seç korkmayarak» haberlemäk kampaniyasını yaşayannar için geçirer.
İki mobil grupası yollanacȇk memleketin hepsi rayonnarına neetlän — haberlemää yaşayannarı seçimnär için, angıları geçeceklär 2024 — cü yılın oktäbr ayın 20 — dä. Onnar geçeceklär maasuz mikroavtobuslarda seçimnär kampaniyasının ayırılan nışannarınnan.
Durgunacȇklar yaşamak erlerin meydannarında, avtovokzallarda, panayırlarda hem başka cümnä erlerindä. Seçimnär bölümün temsilcileri daadacȇklar haberlemäk materiallarını. Avtonomiyanın yaşayannarından bizim televizion gruppamız üürendi, bilerlär mi onnar, nesoy seçim kampaniyası geçecek oktäbrinin 20 — dä.
«Referendum hem prezident seçimneri bekleer bizi».
«Prezident seçimneri olacȇk».
«Bilmeerim».
«Lääzim seçmää «da» o sa «diil» referendumda».
İlk rayonnar, neredä plannandı haberlemäk kampaniyası oldular Ştefan Vodȇ, Kauşanı, Tarakliya hem Basarabäska.
Avtor: İ.Karaman, operator: S. Georgiev, montaj : A.Topal