Geçän dinnenmäk günnerindä Komratta Afgan cengindä geçinmiş askercinin Dm.Mavrodiyi sambo güreşi turnirinnän andılar.
Sambo Halklararası türniri adandı Afgan cengindä kurban olan askerciya Mavrodi Dmitriyä. Turnirdä 10 takım pay aldılar, nışannadı sambo treneri Pötr Kuru.
«Bu turnirä katılannar bütün Moldovadan geldilär. Hepsi komandalar, angıları samboylan zanaatlanȇrlar katıldılar turnirä»,- nışannadı Pötr Kuru.
Turnirin açılışında pay aldılar sportçular, Mavrodi Dm. senseleleri hem asker dostları. Kisinövda Russiya Bilim hem Kultura merkezin temsilcisi Artöm Naumenkov nışannadı, ani merkez bu olayların geçirilmesini her yıl destekleer.
«Bu uşaklara deyni, elbetki, önemni bilmää diil sade onu , ani onnar sport yarışmaklarına geldilär . Bana kalsa onnar lääzım bilsinnär Dm.Mavrodinin yaptıklarını hem onu, ne nışannȇȇr bu laf «halklararası asker borcu». Bu uurda gagauziya Afgan cengi veterannarı birlii büük iş yapȇr-şükür ederiz onnarı bu iş için»,- nışannadı Artöm Naumenkov.
Gagauziya Başkan işleri bakanı Pavel Tulba nışannadı, anı Avtonomiyanın herbir yaşayanı lääzım bilsin Afgan cengin kahramannıını.
«Bizim daavamız hem borcumuz bunu aklımızda tutmaa. Bu iş için çükür ederiz sport bakannıını hem Afgan cengi veterannarı birliini. Sportçulara da başarıları dileerim»,- dedi Tulba.
Gagauziya gençlik hem sport bakanı nışannadı, ani Afgan askercileri adına sport olayları Gagauziyada may her ay geçirilerlär.
«Bizim kalendar plannarımıza görä her ay Afgan askercilerinä turnirlär adanȇrlar. Oktäbrinin sonunda kongazda turniri geçirecez. Biz Afgan cengi veterannarınınnan sıkı baalantıdayız hem onnarın kahramannıını aklımızda tutȇrız»,- nışannadı sport bakanı.
Dm.Mavrodi adına turniri 6 yıl sıravardı geçiriler. Afgan veterannarı birliin öndercisip.Mavrodi şükür etti bu iş için sport bakannıını, Kisinövdakı Russiya Bilim hem Kultura merkezin temsilcisinı Artöm Naumenkovu hem trenerleri.
«Herbirini şükür ederi, sportçulra da ii başarıları dileerim»,- söledi Kisinövdakı Russiya Bilim hem Kultura merkezin temsilcisinı Artöm Naumenkovu .
Turnirin çıkışlarına görä sportçular üüsek başarıları gösterdilär.
Avtor: A.Terzi, operator: V.Kıssa, montaj: M.Kazaku.