Kişinöv kasabasında «Gözelliin sınırları yok» moda gösterilmesi kolaylıksız insannara deyni geçti. Çadır — Lunga kasabasının yaşayanı Marianna Tihu onda pay aldı.
«Gözelliin sınırları yok» modanın gösterilmesinä Çadır — Lunga kasabasının yaşayanı Marianna Tihu ikincilä katıldı. Bu yarışmak üçüncü yıl sıradan geçiriler, esaba alınsınlar kolaylıksız insannar hem çizgilemää onnarın gözelliini,- nışannadı Çadır — Lunga kasabasının yaşayanı Mariana Tihu.
«Bu, bezbelli, — cümneyi uyandırmaa. Bän bunu gördüm, ki göstermää insannara kolaylıksız yaşayannarı. Ani onnarın da var hakları gözellä, hem ani var gözellik sınırsız. Diiştirmää bakışı bölä karılara. Hem, ani onnarın da var hakları gözäl yakışıklı rubalara, saçlarını kıvrak erleştirmää, makiyaja. Hem, ani onnar da, nicä hepsi karılar»,- sayȇr Marianna.
Mariana Tihu çizgeledi, ani modanın gösterilmesini kolaylıksız insannarlan var nasıl geçirmää Gagauziyada da. Bölä tekliflän o danıştı Gagauziya kultura bakannıına.
«Bendä ideya peydalandı. Neçin biz yok nasıl gösterelim Gagauziyada modayı.Bizdä Gagauziyada var çok kaavi, gözäl kolaylıksız karılar. Bilersiniz, ne bän düşündüm göstermää. Diil te o geniş fistannarı, angılarını biz sık giineriz, ama bän isteerim göstermää halkın istoriyasını, gagauzların giimnerini. Bän sayȇrım, ani Gagauziya kultura bakannıı tutturacek. Var nasıl denemää»,- nışannadı Tihu.
«Gözelliin sınırları yok» — bu modanın gösterilmesi, angıların modelleri olȇrlar kolaylıksız insannar. Bu yıl FASHION SHOW GEÇTİ üçüncü sıra.
Avtor: P.Barbova, operator: V. Kıssa, montaj: A. Gerçu