«Kuancık» uşak topluluun baş kahramannarı- real hem çizgi filmların süretleri. Bu kiyatçıın yardımınnan uşaklar gezinti dünnesinä hem meraklı açılışların, yortuların dünnesinä daalabileceklär. Kiyatçıın redaktoru Antonina Çernioglo esap aldı, ani yaratmalar halk dilindä yazılı. Kiyat ilinniklän uşakların sevgisini kazanacȇk da çok vakıda aklılarında kalacȇk.
Bu kiyadın herbir sayfası şıralı renkli hem meraklı resimnärlän donaklı, onnar uşaklara yardım edeceklär istoriyaya daalmaa hem masallı dünnenin durumunu duymaa.
«Kuancaa çok üüretmäk momentleri erleştirili, onnar da faydalı olaceklar uşakları zamandaş vakıtta terbietmää. İnanȇrım, ani herbir ana isteyecek, ani uşaan bibliotekasında bu kiyat olsun»,- «Kuancık» kiyadın resimcisi Natalya Vornikova söledi.
«Kuancık» topluluu dünneyä çıktı kultura bakannıın yardımınnan. Finanslar gagauz dilini kurtarmak fondundan verildilär. Kolverim 1000 ekzemplärlän çıktı. Bu kiyat islää baaşış olacȇk herbir uşaa, çünkü kolverimin içindelii şennendirer, ilerleder, üüreder dostlaa,yardıma hem iilää.
«Kuancık» toplumu bizim uşaklara deyni faydalı hem meraklı dünneyi açacek. İlk adımnarı bu kiyatçaa Beşalma küüyün yasla terbiedenneri artık yaptılar.
