Bu yıl Moldovada maymun çiçek hastalıından bir dä olay sayıya konulmadı.Bunu Saalık koorumak ministerlii haberledi.
Yılın çeketmesindän 13 Afrika devletindä, 17 bindän zeedä uulaşmak hem 500 ölüm bu hastalıktan sayıya konuldu.Evropada, yılın çeketmesindän, 349 uulaşmak olayı belli edildi, 100 onnardan – bitki 4 aftada.
«Yılın çeketmesindän bir dä olay yada şüpä bu hastalaa Moldovada belli olmadı», — ministerliktä nışannadılar.
Ama hep okadar nasaat vatandaşlara veriler, Afrikaya lääzımsız gidilmesin. Dünnä Saalık koorumak Merkezi iki sıra iki yılın içindä haberledi, ani «devlet arası uurunda hatalı durum». Uulaşmakların salgınnıı Kongo Demokratika Respublikasında belli olduydu, sora da daaldı komuşu devletlerä.