Komradın kuvetleri Amerika bükelciliin ekonomika hem politika soruşlarında nasaatçısınnan Ȇndrü Frimȇnnan buluşmayı geçirdilär. Bu buluşmakta laf gitti proektlär için angıları Gagauz Erinin baş kasabasında Amerika kurumnarın yardımınnan giriştirildilär, giriştirilerlär ya da bu yakınnarda giriştirilecaklär.
Amerika kurumnarın yardımınnan Komaradınuşak başçalarında türlü proektlär giriştirildilär, muniţipal çorbacılıklara deyni lääzımnı olan tehnika alındı, kasaba içindä yollar yapıldı, parklar hem dinnenmäk erleri kuruldu. şindi dä birkaç proekt giriştiriler. Komradın başı S.Anastasov açıkladı, ani 2014-cü yıldan beeri Komrada aşırı devletledän gelän paraların 90% amerikadan geldi.
«Diil çoktan annaşmayı imzaladık. Kanalizaţiya suları paklmak sistemasını kurmaa deyni Dünnä bankasından 8 million ley verilecek. Önemni bir proekt. Şindi dokumentleri hazırlȇȇrız. Var umudumuz, ani 2-3 yılın içindä bu paklamak sistemalarımız olacȇk»,- Komradın primarı Sergey Anastasov söledi.
Şindiki zamanda amerika kurumnarının yardımınnan Komrat kasabasının «Tank» mikrorayonunda kanalizaţiya sistemaları düzüler.
«9 kilometra kanalizaţiya koyulȇr. Bundan kaarä nasos stanţiyası yapılacȇk. Hep ölä «Тukanäska» mikrorayonunda park yapılȇr. Hep burada 900 metralık yol yapılacȇk»,- Komrat primarın yardımcısı Viktor Baldji nışannadı.
Amerika bükelçiliin nasaatçısı Ȇndrü Frimȇn urguladı ani baalantılar ilerleyeceklär.
«Siz bilersiniz, ani Amerikanın bükelçilii yardımcı olȇr Gagauz Erin hem Moldovanın insannarına. Baalantılar ilerleyeceklär»,-Amerika Elçiliin nasaatçısı Ȇndrü Frimȇn.
Komradın öndercilii haberledi, ani Amerikanın kurumu primariyanın dolayyanını düzmää yardım edecek, ki burası hepsi indannar için uygun hem yakışıklı olsun.
