Kongaz küüyündä gençlär için meraklı olay geçti. Onda 17- 22 yaşınadan kızlar hem çocuklar pay aldılar . Onnar tanıştırdılar musaafirleri kendi halkların kulturasınnan.
Gagauzlar, bulgarlar, moldovannar, ukrainnär, ruslar… 15 genç insan Moldovanın üülen tarafından Kongaz küüyün kultura merkezindä toplandılar, ki annatmaa kendi halkların kulturaları için. Bunun için küüdä açıldı gençlik lageri. Bölä olaylar pek meraklı gençlär için.
«Biz Moldovada yaşȇȇrız. Moldovada çok halk var. Bizdä var moldovannar, gagauzlar, bulgarlar. Herbir halk isteer, ki onun kulturasını saysınnar. Bu dooru . Biz lääzam başka halkların kulturasını saayalım. Hem onnar da bizim adetlerimizi saysınnar»,- söledi lagerin pay alanı.
Halk oyunnarın yardımınnan gençlär tanıştılar moldovan kulturasınnan, üürendilär nicä horu oynamaa. Şindi onnar bilerlär başka halkların kulturaların özelliklerini.
Bilärkän geçmiş zamannarı, taa ilin şindiki zamanın olaylarını da annamaa, sayer İlya. İki günün süresindä gençlär tanışerlar başka halkların adetlerinnän. Onnar sayȇrlar, ani bu pek önemli.
«Bän sayȇrım ani bu pek önemli, ki biz evdä oturmayalım, lääzım başka insannarlan tanışmaa, soţial tarafından taa açık olalım. Bulmaa dost yaz vakıdında taa da önemli, çünkü yazın biz taa sık bireri gitmeriz , evdä oturȇrız, bu olay vever bizä kolaylık tanışmaa insannarlan. Kimi uşaklarda yok kolaylık neylän sä zanaatlanmaa, meraklı vakıtlarını geöirmää. Bän sayȇrım, ani bölä olayların geçirilmesi pek önemli, bän büük havezlän onnarda pay alȇrım»,- nışannadı İlya Karaseni.
Kultura baalantıları uurunda ekspetlär açıklȇȇrlar kızlara hem gençlerä halkların kultura özellikleri için hem nicä onnarı korumaa. Gençlik lagerini Pro-Europa kurumu kurdu.
Gençlik lagerin programasında var resimcilik dersleri hem bundan kaarä gençleri milli imeklerinnän hazşrlamasınnan tanıştıraceklar.
