Girginnik hem kahramannık – bu kurtarıcıların baş kaliteleri. Bakmadaan hatalı duruma onnar herzaman hazır yardım etmää insannara en zor olaylarda. 56 kişi, angıları gittilär Türkiye devletinä, büük cuvapcılıklan kendi işini yaptılar. Onnar Türkiya devletindä kurtardılar küçük uşaa, angısı 4 gün bülündü yıkıkların altında. Bundan kaare çok insan beklärdi yardımı kurtarıcılardan, çünkü onnar er tepremesindän sora yıkıkların altında kaldılar. Şindi onnar ana tarafına döndülär. Moldovada bizim kurtarıcılarımızı kahraman gibi karşıladılar. Onnarın arasında var Gagauziyanın vatandaşları.
