Komrat kasabasının muniţipal nasaatın oturuşunda bakıldı soruş kaldırmaa nasaaçıların ödeklerini oturuşların geçirmesi için. O beterä, ani türlü sferalarda ödek paraların sayıları kalktılar primariya teklif etti zeedeletmää ödekleri herbir oturuş için 300 leydän 600 leya kadar. Ama ondan sora nicä soruşu bücet komisiyası bakmadı aralık alındı nedän sora nasaatçılar teklif ettilär posobiyaların sayılarını onnara deyni kaldırmaa iki buçuk bin leyadan herbir oturuş için.
Komrat muniţipal oturuşunda kabledildi karar ki her bir nasatçıya her oturuş için 2,5 bin ley ödensin. Muniţipal naastçısı Tatiyana Dudoglo nışannadı, ani karar büdjet komisiyasının azalarınnan tutturuldu.
«Bizdä büdcet komisiyasının geniş oturuşu geçirildi.Biz herkezini sesledik,da seslerimizi verdik,üüseltmä oturuş paasını 2.500 bin leya kadar» ,- teklif etti nasaatçı Tatyana Dudoglo.
Komrat muniţipiyanın primarın yardımcısı Stepan Kara sayȇr, ani ikişär buçuk bin ley ( 2500 ) kasabanın büdcetina bir büük ük olacȇk. O nışannadı, ani primariya taa esaplı kararı finans tarafından teklef etti,naasatçılara 600 ley ödensin.
«İsteerim söleyim nasatçılara hem yaşaynnara, ani 2500 ley bu pek büük para bir oturuş için .Bölä yok hiç bir erdä. Kişnövda 2000 bin ley, bakarak ,ani onnarın büdceti bir milliard ley.Bu sayı Komrat primariyasında yılın sonunda 1 bir million 200 ley kuracek. Bu parıylan var nicä 2 yol yapmaa. Bän primariyanın kararını tutturȇrım, ki 600 ley olsun»,- nışannadı primarın yardımcısı Stepan Kara.
Nasaatçı Vadim Anastasov kendi bakışını açıkladı: maasus soţial fondunu kurma,nereyı paralar toplanacıklar. O sayȇr, ani bu paraları var nasıl Komrat kasabasının zor durumda bulunan yaşayannarına vermää.
«Kayılım ,ki maasus soţial fondunu açmaa, da herbir nasatçının kolayı olsun bu fondtan insannara yardım etsin,sora da nasatçılar cuvap etsinnär harcanılmış paralar için»,- teklif etti Vadim Anastasov.
Kendi sırasında muniţipal naastçısı Stepan Mihaylov nışannadı,ani sık onnara sıra geler kendi paralarını harcamaa, açan insannarın problemalarını çözmää yardım ederlär. Oturuşların taa üüsek paası verecek kolaylık ta ii çalışmaa.
«Kendi paramızı petrol mallarına harcȇȇrız,açan lääzım olȇr kasabanın yaşayannarınnan buluşmaa, ki yardım etmää onnara»,- sayer Stepan Mihaylov , nasaatçı.
Muniţipal naastçısı Valeriy Kısa urguladı,ani bu paraylan nasatçıların çalışmaları taa üüsek urda olaceklar.
«Bir taraftan görüner,ani biz üüselderiz kazanç paramızı.Ama bu diil ölä.Sayȇrım,ani nasatçıların çalışmaları taa faydalı olaceklar»,- düşüner Valeriy Kıssa.
Biz Gagauziyanın yaşayannarına danıştık soruşlan ,nasıl onnar Komrat muniţipal oturuşun kararını bulȇrlar:ödekleri 300 leydän -2,5 bin leya kadar kaldırmaa deyni.
«Onnara az?Verin taa.Onnar fukarä.Üüseldin kazanç paralarını».
«Şaşılacek iş. Pensiyaları üüseltsinnär,sıradan insannara yardım etsinnär.Sanȇrım kuvetlär işideceklär bizi da esaba alaceklar».
«Sayȇrım, ani pensionnerlara yardım etsinnär lääzım,onnarda gerçektän az para».
«Bän bu paralara da kayıl dilim.İnsana izmet edersin, da insandan para alȇrsın. Onnara 300 ley da çok. Komrat muniţipal oturuşunda kabledildi karar 2,5 bin ley 27 nasatçıya herbir oturuşta ödemää. Bütün yılın süresindä onnar en azdan 20 oturuş geçirerlär».
Komrat muniţipal oturuşunda kabledildi karar 2,5 bin ley 27 nasatçıya herbir oturuşta ödemää. Bütün yılın süresindä onnar en azdan 20 oturuş geçirerlär
