Martın sekizinä kaarşı boz annadêrız karılar için, kim kendi zaametinnän, becermeklerinnän hem talantınnan diiştirerlär her gün dünneyi. Bu bir sıra süjetlär Gagauziyanın karıları için, kim kendi yaşamasını insannara hem zanaatına adadı. Onnarın birisi — Evgeniya Bratunova- Komrat bolniţasını pediatriya bölümün başı. 30 yıl o koruyêr uşakların saalıın, yardım eder küçüklerä ensemää hastalıkları da şen kısmetli yaşamaya dönmää.
Komrat bolniţasının pediatriya bölümündä hep var çok insan. Paţientlar analarınnan, doktorlar biyaz giimnärlän hem sıcak yalpak laflar. Artık 30 yıl burada çalışêr Evgeniya Bratunova-bölümün başı, angısı kendi zanaatını uşaklarlan baaladı.
«Pek mutluyum, ani bu zanaatı ayırdım.Benim Hastalarım alışêrlar, öbürleri taa zoorca. Ama benim uşaklarım hasta gelerlär, ama alışık giderlär. Analar sevinerlär, biz da sevineriz, aji yardım ettik»,- Evgeniya Bratunova söleer.
Bu yılların süresindä onun elindän geçti binnän uşacık. Herbiri onnardan — ayırı bir istoriya, nezaman kolay, nezaman taa zoorca. Ama diişmer sade bir — istemäk yardım ettmää.
«Uşaklar sık hastalanêrlar, buna bisey ysapmayacan.Herbir uşak lääzım hastalansın 6-8 keret yılda, bu norma innara deyni»,- annattı Evgeniya.
Kollegalar Evgeniya Bratunovayı saerlar onun profesional uuru için, dayanması için. Ama evdä onu bekleer aylä, kimin için o bulêr kuvet doz iş gecelerindän sora.
«Karıların statusu diişilmedi. O nicä koruyardı ayleyi, ölä da koruyêr. Onjn yanında toplanêr bütün aylä, hepsi uşaklar onun yanında. Onun lääzım olsun kaavi kuvedi, ayleyı tutmaa»,- sayȇr doktor.
Evgeniya Vladimirovna pek ister, ki uşaklara deyni bölümdä olsunnar taa ii koşullar..
«Bizdä pek islää, gözäl, ama küçük bölüm.Bizä deyni küçük — 7 palata- 24 uşak.3-4 uşak palatada, onnar kıstav geler. Isteerin büük bölüm olsun»,- dedi insan.
Mardın sekizi — karıların yortusu, kim bu dünneyi taa islää yapêr. Evgeniya Bratunova onnarın birisi — karı, angısı alıştırêr uşakların kaliblerini hem baaşlêêr saalık en küçüklerä.
Moldovanın hem Gagauziyanın en mekalı haberleri GRTnın Telegram kanalında!