Küçük ayın 8 hem 9 Moskova kasabasında geçti dzüdo halklararası turniri.Onda pay aldılar 200 zeedä sportçu Baamsız devletleri birliindän. Moldova devletindän yarışmaya gitti 3 sportçu.
Sıradakı altın ödülü düzdo halklararası turnirindän Gagauziyaya getirdi Evropa hem dünnä çok sıralık dzüdo hem sambo çempionu Pötr Kuru. Bu Moldova devletin Şannı trenerin16 — ci ödülü dzüdo yarışmaklarından.
«Geldim orayı da şaştım, ani taa iki gagauz güreşerlär halklararası turnirdä, onnar Çadır — Lunga dolayın Kazakliya küüyündän geldilär. Pek sevindirdi, ani bizim taa iki vatandaşımız güreştilär bu yarışmaklarda»,- dedi Kuru.
Evropa hem dünnä çok sıralık dzüdo hem sambo çempionu Pötr Kuru geçirdi bir kaç shvatka. Bitki — bitkiya taradı soperniklerini.
«Bän güreştim 100 çeki kilasında. Geçirdim iki shvatka. Soperniklär, birisi Räzan kasabasından, öbürü sä Kalinigradtan geldilär. İki shvatkayı da bän ensedim, da kazandım ilk eri»,- sayȇr sportçu.
Soruşa, zordu mu güreş, altın prizör cuvap etti: «Sölemää, ani zor yada kolay, diil. Tarama bu yaşlarda kolay olmȇȇr. Sölemää, ani zor, o zaman diil lääzımdı orayı gitmää. Lääzım kabletmää ii duyguları ondan, ne yapȇrsın.Bän sevinerim, ani gittim, taradım da geeri geldim»,- nışannadı Kuru.
Rusiya cümnä kurumu, Rusiya komisiyası, angısı baaşışlȇȇr veterannarı sport atlarınnan hem ödüllärlän dzüdo hem samboda verdi Pötr Kuruya: «Rusiyanın Şannı sport sambo hem dzüdo ustacısı» adını hep ölä Sovet Soţialist Birliin Respublikası hem Rusiya Şannı sport ordenini.
Gagauziyanın hem Moldovanın en mekalı haberleri GRTnın Telegram kanalında!