Çadır muniţipiyasının zanaat uçilişçesi, artık oldu 70-yıl, nica hazırlȇr uzmannarı türlü lääzımlı zanaatlarda. Bizim korrespondentımız Oleg Duloglo, üürendi hepsi kolaylıkları angıları açılȇr o ürenicilerä, kim isteyecek okuldan sora ilerletmä kendi ürenmesini, Çadır muniţipiyanın uçilişçesindä.
Yaz- o diil sadä kanikullar hem dinnenmäk günneri. Üürenmeyi başardıynan okullarda, soruş neredä ötää dooru üürenmä, önemli her bir başarına. Çadır muniţipiyasının zanaat uçiliçesinä büük havezlän geler üürenicilär türlü erlerdän. Zanaat uçilişçesinin başı Vera Balova annattı, ani üürenmäk kurumunda var hepsi kolaylıklar, ki studetlar kaavi bilgileri kabletsinnär.
«Biz hazırız eni üretmäk yılını çekettirmä. Kabul ederiz bu yıl taa çok üürenici, bizä verdilär 266 kişi toplama, ama taa bir zanaat olacek, zeedeliyciz, olacek 300 kişi. Sayerız, ani o üürenicilär geleciklär bizä. Вырезать Var neredä dinnensinnär hepsi okullar, masterskaya, laborototiyalar, hazır onnarı kabletmä»,- zanaat uçilişçesinin başı Vera Balova annattı.
Çadır muniţipiyasının zanaat uçilişesinin ii tarafların biri — dual üürenmäk proçesi, angısı verer kolaylık kısa vakıtta kabletmä diil sade teoretik, ama praktika bilgilerini da. Üürenmäk kurumun başı annatı, angı zanaatlara bu yıl açilacek erlär.
«Aşçi zanaadı iki türlü, iki yıl hem üç yıl üürenmesi, pekar-kanditer-dual forması da var, dikmä hem partnoy zanaadı var, slesari santehnik, o zanaat çok sorulȇr. Var zanaat avtomehanik, o eeni bizdä bu yıl. Trakturist-onu ister hepsi çiftçilär, onnarda yok trakturist, satıcı, onnarda ister hepsi diplom kabletmä, biz ilk serert geçti yıl kolverdik, şimdi, taa kırk kişi toplȇȇrız bu yıl»,- Vera Balova annattı.
Vera Balova annattı, o kolaylıklar için hem o yollar için, angıları açilacek başarannarın önündä, zanaat uçilişçesini başarılmasından sora.
«Var nica bizim üürenicilär, gitsinnär başka devletlerä, bizim diplomnarın var ölä bir uuru, ani onnarı bütün dünnedä kabul ederlär, onnar Agliyce hem Rumın dilindä. Vereriz onnara cuvap, nesoy onnar üürendi bizdä, onnarı kablederlär hererdä»,- dedi o.
Çadır zanaat uçiliçesi hazır kablrtmä eni üürenicileri Valkaneş kasabasından da. Moldova Respublikasının kuvetlerin kararına görä, devletin zanaat okulların hem koledjların reorganizaţiyası geçiriler. Bu kanona bakarak, Vaklaneş kasabanın zanaat okulu, lääzım girsin Çadır muniţipiyanım zanaat uçilişçesinä. Vera Balova nışannadı, ani onnar savaşȇr yapmaa hepsi koşulları Valkaneştän p gelän üürenicilerä hem üüredicilerä.
«Biz yaptık hepsiciini, ani insan angısı geçer bizä işlemä, kalmasın işşiz, hepsiciini geçirdik, hepsi insannarı. Uşakları, angıları geçtilär ikinci kursa, onnarıda geçirdik bizä, ama onnar hepsi üüreniciklär kendi okulunda Valkaneştä, üüredicilär da kalacıklar orada. Biz hazırıs almaa öür üürenicileri da angıları bizä geleciklär, erimiz var, hazirız, üüredicimiz var, buyursunnar da gelsinnär»,- Vera Balova nışannadı.
Koşullar Çadır muniţipiyasının zanaat uçilişçesindä- studentlerä vererlär stependiyaları, yatmak erlerini, parasıs üülen imeesini. Üürenmäk okulunda var kolaylık kabletmä o ürenicileri, kimdä oldu ölä, ani başaramadılar ürenmeyi gimnaziyada da kabletmedilär atestatları. Bunun için lääzım getirmä dokumedi, ani başarıldı ürenmäk bitki klassta. Kabletmä dokumentleri Çadır muniţipiyanın zanaat uçilişçesi, başladı orak ayın on beşindä, başaracek harman ayın bitkisinädan, lääzım olarsa, sentäbri ayın onunadan kabledilecek dokumentlär.
