Yaz avşamı gençlär için Moldovanın üülen tarafında geçti Kongaz küüyün dinnenmäk parkında. Onnar için çaldılar anılmış çalgıcılar.
Kongaz küüyün dinnenmäk parkında geçti yaz avşamı, angısı topladı binnän musaafir. Muzika hem da oyunnar oldular sürpriz gibi gençlär için üürenmäk yılın başarmasında.
«Burada binnän insan geldi, ki nışannamaa büünkü büük yortuyu»,- dedi dış işlerdä bakanın yardımcısı Kuzneţov.
Herbir musaafirä verdilär dondurma, selfi sa vardı nasıl yapmaa maasuz aynada şafklan. Geldilär parka buluşmaa dostlarınnan hem da islä kef için, söleerlär genç olannar.
«Bän geldim maasuz onun için, ki genç olannarı getirmää».
«Kararladık gelmää, ki bakmaa, bekim bişey meraklı olacek, baä sayȇrım, ani hepsi islä olacek, super».
«Biz kompaniyaylan neetleneriz islä konţertä hem da islä vakıdı geçirmää».
«Pek islä kef, oynayacez, şennenecez».
«Biz geldik burayı pek islä keflän hem umutlanȇriz, ani hepsi islä olacek, da gidecez buradan şenniktä».
Genç olannarı üürenmäk yılın başarmasınnan kutladı cümnä aktivisti da Mihail Vlah.
«Bizim başarannarımız bitirdilär ȇkzamenneri. Bän te bakȇrım, onnar ana — bobalarınnan, onnarın süretleri yalabȇrlar, yok kısmet, gülüş»,- nışannadı Mihail Vlah, cümnä aktivisti.
Getirecez aklılarınıza, ani üürenmäk Ministerlii kararladı, zapetmää balın geçirmesini Kongaz küüyün çok profilli parkında, neçinki obyekt verilmedi ȇkspluataţiyaya. Gagauziya üüretim bakanı Natalya Kristeva çizgiledi, ani bu sebep için bal geçirildi başka günä.
«Burada lääzımdı olsun bizim başarannarın büük paradı, burada lääzımdı geçirilsin büük yortulu -şou, angısında pay alaceydılar bizim uşaklarımız. Onnar oynaceydılar flȇşmobları, türküleri çalaceydılar, millet gagauz horusunu barabar bizim anılmış “DÜZ — AVA” ansamblisinnän, ama gücenekliiz, ani bozä zapettilär bu yortuyu»,- çizgiledi Nataliya Kristeva.
«Da tezlä vakıtlarda, bän umutlanȇrım, ani en islä bal Gagauziyanın başarannarı için geçecek. Da bizim üüretim bakanı gösterecek en üüsek uuru»,- söledi İvan Panä.
Sţenada pay aldılar — Vitaliy Manjul, Kolay Sesleri, Tatyana Mitioglo, Sasha Letty hem da massuz musafir TİMRAN.
«En önemni — saalık hem da taa zedä fikir. Fikir — yok nicä çok olsun, nışannadı çalgıcı kendi sözündä danışarkana gençerä».
«Başarannar saae gitsinnär ileri, en önemni yaşamaa islä, kaçırmama momentleri».
«Başarannara — kısmet, saalık, hem da hepsi ileri dooru islä olsun».
«Pek gözäl, biz pek sevindik.Başarannara adȇrız ileri dooru deyni ii gitsin, ii başarlar».
«Havez pek ii. Başarannara bän adȇrım, ki hepsi islä olsun onnarda, ki onnar kendi yaşamalarında etişsinnär o erlerä, neredä kendilerini görerlär. Oyunnar, muzika — çok ii».
«Yaşayınız, yaşayınız gözäl, kaçırmayın hiç bir da kıpımı yaşamanızda».
«Barabar onunnan kefim islä. Atmosfera super, hepsi islä…»
Moldovanın hem Gagauziyanın en mekalı haberleri GRTnın Telegram kanalında!