Her yıl, Çina devletin 9 millionadan okul başarannarı, vererlär giriş ekzamennerini koleclerdä üürenmää deyni. Sade en ii başarannar giräbilerlär parasız üürenmää devletin en anılmış universitetlerinä. Kalanı öderlär büük paraları, ki özel üürenmäk kurumnarında bilgileri kabletmää.«Çinada en gelirli biznes – o üüretim», söler Wang Zhenxiang, repetitor Hongbo kasabasından.Bütün dünnedä ekonomika krizisı, ama analara-bobalara sölerlär, ani onnarın uşakları duymayacȇklar onu, eer onnar üürenmiş olarsaydılar.Da hepbir uşaa sıkı tutêrlar, ki onnar taa ii üürensinnär, da kabletsinnär universitet diplomunu. Ama verer mi bu üüretim kurumnarı o bilgileri , angılarını lääzım versin? Kurtarabilecek mi sizi fukaareliktän diplom?Weijun Chenzünün dokumental kinosunda hepsi oluşlar geçerlär Çina devletin Ühan kasabasında. Burada o gösterer haliz Çinada üüretim uurunu birkaç genç olanın yaşamasından. Wang Zhenxiang repetitor özel Hogbo kolecindä, Wang Pan orta okulu başaranı hem gelecektä student, Wan Chao üüsek okulu başaran hem iş aarayan genç olan, angısı bir iştän öbür işä girer,ama islää ödenän iş kendisinä hiç birtürlü bulamêêr.
GRT kanalı THE WHY kompaniyanın dokumental filmlerini gagauz dilinä çevirdi hem dübläj yaptı. Onnarda insan hakların koruması, ȇkologiya soruşları hem başka problemalar açıklanȇrlar.
