Olimpieţ lageri kabletti baaşış gibi eni çarşafları uşaklar için. Bu onnarın bulunmasını lagerdä yapacek taa uygun.
180 çamaşır baaşış gibi verildi Olimpieţ lagerinä da bu verecek kolaylık burada yaşamak koşullar taa uygun olsunnar, söledi lagerin başı Vladimir Kılçik.
« Ilkin isteerim şükür edim gagauziyanın başkanını Evgeniya Guţulu, ispolkomun azalarını hem meţenatları yardım için. Bu çarşaflar halizdän lääzım lagerä, uşaklara deyni»,- «Olimpieţ» lagerin başı Vladimir Kilçik söledi.
Eni çarşafların kullanması verecek kolaylık uşaklara uygun herm komfort kendisini duymaa bulunarak Olimpieţ lagerindä, urguladı Komrat dolay administraţiyasının başı Vadim Çeban.
«Çarşaflar eni da onnarı çok yıl lagerdä kullanaceklar da onnar uşakları sevindereceklär. Pek islää çeketmek da bän düşünerim, ani bölä baaşış pek islää bir baaşış. Da bu sade ilk adımnar»,- urguladı Komrat dolay administraţiyasının başı Vadim Çeban.
Baaşış doorulu yaşamak koşulların taa ii yapmasına hem uşakların dinnenmesinä lagerdä nışannadı sport hem gençlerin işlerindä bakannıın başı Väçeslav Dragoy.
«Biz savbaşerız ki her keret kurmaa ii hem taa ii koşulları bizim uşaklarımız için neçin ki nicä sölendi bu regional lageri da burada dinennerlär uşaklar bütün avtonomiyadan. Geçirildi çok iş da biz öncä çeketti khazırlanmaa nicä hava açıldı. Lageri tertiplemää çekettik»,- nışannadı sport hem gençlerin işlerindä bakanı Väçeslav Dragoy.
Getirderiz aklınıza, ani iyül ayın 17-dä Olimpieţ lagerindä çekeder ilk smena.
«Hoş geldiniz bizim lagerimizä, dilerim sizä gözäl hem şen vakıdı geöiräsiniz, dinnenäsiniz»,- Väçeslav Dragoy urguladı.
Nicä söledi Sport hem gençlerin işlerindä bakannıın başı bu yıl Olimpieţ lagerinda iki smena olacek uşaklar için 9 yaşından 16 yaşınadan.
