M.Çakir adına kolecın studentleri «Konţertmeysterskiy klass» ȇkzameni verdilär.4 yılın süresindä onnar «Инструментальное исполнительство» zaanatına üürendilär. Programaya görä başarannar bilgilerini gösterdilär.
Dünnä anılmış kompozitorların yaratmalarını ekzamennerdä komissiyaya gösterdilär. Onnarın arasında öttü muzika, angısını yazdılar Gagauziyanın kompozitorları — Mihail Rotar, Dmitriy Gagauz. Studentlär üüsek uurda açıkladılar bilgilerini ,gösterdilär saygı kulturamıza hem onun ilerlmesinä,nışannadı M.Çakir adına kolec başı Mariya Tanasoviç: «Büün bizdä 4-cü kursun studentleri instrumental ispolnitelstvi ekzamenin yarısını verdilär. Pek islä programaları vardı. Zalda işittik kompozotorların Mozart, Vivaldi, Gagauz işlerini, üüsek notaları var».
Ȇkzamendä bulundu anılmış muzikacı, konţertmeyster, Köln hem Gamburg konservatoriyaların doţentı-Sergey Filioglo .Onun talantı örnek hem ihlam verän genç muzikacılara .
«Elbetki,biz kahırlandık. Lääzımdı üüredicilärlän barabar çalışmamızı ii göstermää.Sayȇrım –oldu.İleriya dooru Komrat Devlet universitetinä üürenmää giderim»,- nışannadı Sofiya.
İnstrumental fakulteti seftä Komrat kasabasında 2014-cu yıla açıldı,söleer M.Çakir adına kolec üüredicisi Natalya Barbanägrȇ: «11 yıl geçti, 4 instrumental bölümneri başarılı oldular.Onnar ilerlederlär üüretim proţesini muzika uurunda Universitetlerdä,çoyu Gagauziyada çalışȇr.Bu önemni bizä.Umutlanerız,ani muzikacılar ana erimizdä kalaceklar,aşırıya gitmeyeceklär».
Ekzamen komissiyası başı Nataliya Stanţoy studentlerin üüsek bilgilerini hem üüredicilerin profesional uurunu nışannadı.
«Üüsek uuru gösterdi studentlär.Bu çalışmalar barabar üüredicilärlän başarılı olȇr .Meraklı programa ,türlü janralar.Bän pek beendim .Studentlerä ii başarları dilerim .İleri herkezi dooru yolu seçisin»,- nışannadı Nataliya Stanţoy.
Moldovanın hem Gagauziyanın en mekalı haberleri GRTnın Telegram kanalında!