Regional sport meydanın zalasında geçti serbest güreşmesi halklar arası turnir , angısı oldu çıkış 10 günnük toplantılara. Burada pay aldılar takımnar Moldovadan, Gagauziyadan hem Şveţiyadan, Ukrainadan hem Amerikadan. 30 sportçu, angıları kalktılar şannı pyedistala tarayıp kendi konkurentlarını kablettilär ödülleri hem diplomnarı hazırlayanlardan.
15 yıldan zeedä Regional sport liţeyindä geçerlär toplantılar, angıları hazırlanȇrlar halklararası kurumunnan «Atletı v deystvii» hem sport liţeyinnän. Bu yıl Gagauziyaya geldilär eni takımnar da. Nicä urguladılar hazırlayıcılar bölä olaylar vererlär uşaklara kolaylık üürenmää eni priyömları, tanışmaa hem ii geçirmää vakıdı.
«Biz ilktän geçirärdik güreşmeyi dışarda, güreşärdilär koça. Onnar beendilär, da başladılar her yıl gelmää. En önemni olsun yaralanmasız, en önemni , ani gelerlär Amerikadan sportçular. Gelärkänä lääzım çaaralım»,- söledi Georgiy Sarandi.
Toplantıların çıkışı oldu yarışmalar, neredä çocuklar hem kızlar gösterdilär kendi becermeklerini, angılarını üürendilär zalada. Güreşlär kaaviydilär, kimisi istemäzdi kalmaa aşaa. Nicä urguladılar trenerlär güreş matta kızgındı.
«Toplantılar geçtilär üüsek uurda, tanıştılar başka komandalarlan, Amerikadan, Ukrainadan, uşaklar pek kaavi. Kazandılar eni becermekleri, gördülär nesä eni. Uşaklar pek mutlu kaldılar»,- nışannadı uzman.
«Güreş pek kızgın, görerim uşaklar sınışlarda hazırlanȇrlar dostçasına işleerlär, ama matta puan puana güreşärdilär. Pek mutluyum, ani uşaklar, pek sigur yapȇrlar işini, pek gözäl güreşerlär»,- sayȇr trener.
Musaafirlär nışannadılar, ani Gagauziyada üüsek uurda onnarı karşıladılar, uşaklar kendi becermeklerini matta gösterdilär, angılarını 10 günün içindä üürendilär.
«Pek ii geçirdik toplantıları, karşıladılar bizi ii, üüsek uurda uşaklar pay aldılar, çok saa ol Gagauziyaya karşılamak için, lager için».
«Hepsi isteer, ki onun üürenicisi tarasın, ama tarȇr kimä Alla verer. Bizi pek ii kablettilär, notalȇrım yarışmaları üüsek».
Nicä nışannadılar güreşçilär onnara var neyä üürenmää biri birimizdän.
«Toplantılar pek ii, 10 gün, onnar pek ii hazırladılar, imek tarafından da iidi. Sınışlar üüsek uurda, isteerim gelmää gelän yıla da. Eni priyömnarı üürendim, eni dost kazandım».
«İşlemää onnarlan pek ii, çitlerdä da, eni becermekleri üürendim, onnarda kendi bilgileri, bizdä dä. Bunnarı üürenip sora kullanȇrız».
«Pek meraklıydı gelmää Moldovaya. Burada trenerlär hem imek ta diil nicä bizdä. Biz çok meraklı insannarlan tanıştık».
Gagauz sportçuları matta gösterdilär kendi karakterini, istemeyi taramaa hem kaavi ruhunu.
«Toplantılar geçtilär bana deyni pek ii, bän onnarı beendim. Bän tanıştım sportçularlan, Ukrainadan, onnar pek ii çocuklar. Bän eni becermek aldım».
«İi sınışlar geçtilär, imek pek tatlı, hepsini beendim, üürendik eni priömları».
Halklarası turnirin çıkışlarına görä 30 tarayıcı kalktılar şannı pyedistala, kablettilär diplom, ödülleri hem baaşışları hazırlayıcılardan.
Moldovanın hem Gagauziyanın en mekalı haberleri GRTnın Telegram kanalında!