Telzä uşaklara deyni “Olimpieţ” lageri başlayacek çalışmaa.Lagerdä inspekţia kontrolünu Gagauziya Bakannık komitei başı yardımcısı Viktor Petrov, Gençlık hem sport bakanı Väçeslav Dragoy geçirdilär.
Komisiya yaptı inspekţia , da baktı, nesoy koşullar yapıldı uşaklara deyni «Olimpieţ» lagerindä. Kontrol edildilär sanitar bölümneri hem imekleri hazırlamak odası.Kuvet temsilcileri baktılar, ne yapıldı uşakların korkunçsuzluu hem uygunnuu için . Büünkü günädän 34 evceezdän 22 -si düzüldülär. Hep ölä hazır imäk odası hem sanitar bölümü . Gagauzia gençlik hem sport bakanı Väçeslav Dragoy nışannadı, ani ilk smena gelän 10 günün süresindä açılsın yakışȇr .Bu yıl plana koyuldu 3 smena açmaa .
«Bän sayȇrım , ani bizä bu lager pek lääzım .Lääzım onu eniledelim, yolu düzelim»,- nışannadı Dragoy.
Gagauzia Bakannık komiteti başı yardımcısı Viktor Petrov çizgiledi , ani lagerä büük investiţiyaları koymaa lääzım .Plannanȇr düzmää lageri ölä, ki o 24 saat gündä işlesin hem burada yakışsın geçirmää türlü olayları bütün yıl .
«Lager ii durumda bulunȇr . Uşakları kabletmeya hazır. Elbetki, var çok soruş, angılarını çözmää lääzım .Lageri düzmää ileri dooru neetleneriz.Yıl-yıldan koşullar taa ii olȇrlar .Örnek — bu yıl eni bir evcääz düzüldü , bu uşaklara deyni zamandaş hem raat bir er oldu»,- nışannadı Gagauziya Bakannık komiteti başının yardşmcısı Viktor Petrov.
Plannanȇr lagerdä baseyını düzmää , eni evceezleri kaldırmaa hem ii uura yolu getirmää, nışannadı Gagauziya Gençlik hem Sport bakannıın baş uzmanı Pötr Kuru: «Şansora lääzım ii bir lageri yapalım , ki diil 10 gün , ama 24 gün işlesin , ki uşaklar bu dinnenmektän nesä annasınnar. Bölä sa 10 gündän 2 gün onnar erleşerlär, 3, 5 gün sınaşȇrlar, sora da evä hazırlansınnar lääzım .Onnar bişey etiştirämeerlär annamaa».
Gagauzia kuvetleri neetlenerlär lagerin infrastrukturasını düzmää , nicä bücet ölä da sponsorların finans yardımınnan.
Avtor: M. Tukan , operator: G. Stavilov, montaj: İ. Rezuneţ
Moldovanın hem Gagauziyanın en mekalı haberleri GRTnın Telegram kanalında!