GHT ekonomika ,politika,bücet,finans hem dolay ilerlemäk uurunda herzamankı komisiyası geçirdi cümnä seslemeklerini ceviz ayın 29-da Devlet satın alınmakların açık geçirmesi hem faydası için kanon proektinä. Taa derindän annadȇr M. Topal.
Devlet uurunda geçirlenän tenderlär Gagauziya bücetin harcamak bölümün en büük payı.Bakmayarak ona ,ani var hak dolay uurunda kanonu kurmaa, bir dä kanon yok devlet tenderları için , nışannadı viţe-spiker Aleksandr Tarnavskiy. O sayıya koydu kanon iniţıativasını ,angısı verecek kolaylık bu satın almakları taa faydalı hem açık geçirmää.
ALEKSANDR TARNAVSKİY GHT viţe-spikerı : — » Te ne satın alınȇr devlet bücetin paralarınnan insanda peydalandırȇr bir sıra soruş. Ki bölä soruşlar olmasınnar deyni lääzım para harcamasının proeţesini taa açık yapmaa. Onuştan da geldik karara bu kanonu erli uurda kabletmää».
Nicä nışannadı viţe-spiker Aleksandr Tarnavskiy , gagauz kanonu karşı durmȇȇr devlet kanonuna hem verer kolaylık para harcamak proţesini taa açık insannara deyni yapmaa .
ALEKSANDR TARNAVSKİY GHT viţe-spikerı : — «Biz sade teklif ederiz bu proeţesi taa kaaviletmää Gagauziyaya deyni . İnsannar bilsinnär nicä hem nereyi parayı kuvetlär harcȇȇrlar «.
Bu kanon ilkin lääzım Bakannıık komitetinä hem Gagauziya Halk topluşuna. Kanona görä devlet tenderleri ,angıları taa paalı 20 bin leydän lääzım olacȇk ofiţıal sayfalarda erleştirilsinnär.
ALEKSANDR TARNAVSKİY GHT viţe-spikerı : — «Bu kanonun baş neeti ne? Ani hepsi kontraktlar ,angıları imzalanȇrlar bücet sferasında tiparlansınnar ofiţıal sayfalarda. Bölä olacȇk taa faydalı iş hem insan da katılacȇk para harcamasının proţesinä » .
Kanon proekti kabletti kendi kayıllıını Bakannıık komitetindän hem Moldova Devletin üridik kurumnarından.
İVAN KOLİOGLO Gagauziya infrastruktura hem düzücülük bakanı : — «Kanonda yazdırılı hem yapılı akţent bücet paraların faydalı hem açık harcanması . Bizä deyni o lääzımdı».
Kanon proekti başlayacȇk işlemää yanvarın 1 -dän 2023-cü yıldan ,er deputatlar bu kanonu kabledärsäydilär.
