Geçän dinnenmäk günnerindä Komrat  sport meydanında  geçti futbol yarışmaları  Gagauziyanın primarların  hem  devletin  primar assoţiaţiyasının komandaların aralarında.  Matç  başarıldı bir türlü sayıylan 1-1. İlerleder temayı süjet.

Futbol  — sport çeşiti, angısı  insannarı birleştirer. Bunu gösterdilär  devletin primarları, angıları buluştular Komrat stadionunda  dostluk matçta diil seftä.  Oyun geçti kızgın hem meraklı. Taa ilk taymdan belliydi, ani ilin taramayı   yok nasıl beklemää,  çünkü futbol sevenneri oynardılar üüsek uurda. İki komanda    savaşardı kalmamaa aşaa  da urmaa  konkurentların tokatlarına gol.

Niderlandı  futbolcusu hem trener Yohan Kruiff söledi,  erlem top sizdäysä, siz lääzım yapasınız ölä, ani  meydan  olsun en geniş, nekadar yakışȇr. Erlem top konkurentlardaysı, ozaman  siz lääzım yapasınız ölä, ki  meydan olsun en  küçük nekadar yakışȇr”.  Ölä bu matçta da oyuncular savaşardılar bakmaa bu kuralları  da kolvermemää topu kendi tokatlarına.  Matçın çıkışı oldu birtürlü sayı 1-1. Bu söleer onun için , ani iki  komandanın   sportçuları  üüsek uurda oynadılar.

VİOREL FURDUY Moldova   erli kuvetlerin  kongresın başı : — » Bizi birleştirer ii baalantılar  Gagauziyalan, Komratlan. Sayın primar   erli  kuvetlerin kongersın azası. Bu kurum birleştirer   hepsi primarları, erli kuvetleri,  kasabaları, küüleri, bunu lääzım bilmää.   Onun baş davaası   çalışmaa bu  yaşamak erleri için, çözmää problemaları birleşik».

Nicä urguladılar  futbol turnırın hazırlayıcıları, birtürlü sayı verdi sebep almaa revanş, hem taa bir keret toplanmaa  da belli etmää en kaavileri meydanda.