Serbest güreşmesindä sportçular her gün  üzmäk derslerini geçirerlär Komrat kasabasının basseyinnarın birindä. Bölä onnar taa da üüsek uurda Çempionnatlara  hazırlanȇrlar. Bölä bir çempionat geçecek orak ayın birindä İtaliyada Rim kasabasında.

Üzmäk yardım eder sportçulara taa islää turnirlarda hem çempionatlarda pay almaa, kendilerini en üüsek uurunda göstermää.

“Üzmää pek islää.Üzmäk fizik tarafından faydalı bizä”.

“Üzmak – bu bizä deyni dinnenmäk”.

“Bizi pek islää kablettilär.Bölä kaliteli sınışlar bizä pek önemli”.

Nicä fizik tarafından üzmäk yardım  eder  annattı Moldovanın serbest güreşmesindä şannı trenerı   İlya Esir.

«Bölä derslär bizä pek lääzımnı.Üzmäk  saalıını kaavileder”.

Diil sade bizim sportçular basseyina gezer. Bu yıl Ukrainadan da geldilär sportçular barabar Moldova hem Ukraina şannı trenerinnän Georgiy Yabancıylan.

«Biz geldık Ukrainadan. Burada trenirovkaları geçireriz .Bizdä kötü durum».

Baseyinın çorbacısı Valeriy Sakara çizgiledi, ani o pek seviner sportçular için.

«Trenerlär bana yaklaştılar, da bän onnarı annadım hem kolverdim onnarı sınışlarını yapsınnar. Onnar burayı yakın sekiz yıl gezerlär».

Bu yıl şansora yakın kırk spotçu bu baseyinda parasız üzerlär.