Gagauz Erinin başkanı İrina Vlaş Valkaneş kasabasına iş vizitin sırasında buluştu kasaba hem küü primarlarınnan. Laf gitti problemalar için, angılarınnnan büün karşılaşȇrlar primarlar.

Gaz, şafk hem çoyu malların paalılanmasının beterinä erli kuvetlär karşılaştılar bücetleri tamannamak zorluklarınnan hem uşak başçalarında kaliteli emekleri vermää deyni problemaylan.

Ayırı lafedildi Ukrainada olan olayları için, angıları cümnedä yaradȇrlar gerginnii hem korkuyu yarınkı günä.

«Devletimiz geçer zoor vakıtları. Ȇrgetika urunda krizis, infläţiyanın tez büümesi, malların ȇksportunnan baalı problemalar ekonomikamızı pek sarstılar. İnsannarın yaşamak uuru belli düştü – kazançlar kaldı erindä, harçlar sa duyulu büüdülär. Şindi, hiç bir vakıtta olmadaan gibi, hepsi kuvet temsilcileri lääzım birleşsinnär deyni cümneyi birleştirmää, korumaa usluluu hem barabar atlatmaa ȇkonomika krizisini küçük kayıplarlan», — nışannadı İrina Vlah.