Çiçek (aprel) ayın birindän Komratta erli marşrutlarda yol paalılandı. Bu soruş bakıldı Muniţipal nasaatında .

Erli marşrutlara biletlerin paalılanması için kararı kabletti Komrat muniţipal nasaatçıları. Primar Sergey Anastasov haberledi, ani bu soruş kalktı petrol malların paalılanmasına görä hem şoförların danışmasından sora.

«Biz cümnä transportun şoförlarından vergi almȇȇrız. Neçin ki biletlar taa da paalı olaceydılar. Bilet kalktı paada 1 leyä dä eder 5 ley. Pek paalılandı yakacak – sebep bu», — söledi Anastasov.

Nasaadın başın yardımcısı Sergey Külaflı açıkladı, ani erli kuvetlär çalışȇrlar tutturmaa insan taşıcılarını.

«Her zaman biz insan taşıcılarınnan barabar işleriz. Savaşȇrız onnara yardım etçää. Yakacak malları pek paalandılar. Zor onnara işlemää», — söledi nasaatçı.

Gagauziyanın yaşayannarı raatsızlanȇrlar sıradakı paa kalmasından.

“Pek kalktı paalar. Bizdä yok okadar para”.

 

“Pensiya bendä küçük. Bilmerim ne yapacez, 5 ley –bu pek çok”.

Bitki keret Komratta paa marşrut avtobuslara büüdüydü 2015 yılda.