Dezgincä küüyun primariyası açȇr sport zalı güreşmäk için 9 -15 yaşında uşaklara deyni. Zalda olsun ii koşullar deyni, burada yapıldı en ilkin düzmäk işleri.

Sport zalı bulunȇr eski okulun 2 katında. içndä remont yapıldı deyni uşaklara olsun ii koşullar. İçersi boyandı, paklandı, çekildi elektroenergiya, koyuldu ii şafklar hem kondiţionerlar yısıtmak için, nışannadı küüyun başı Vasiliy Kapsamun.

Primarıyanın bücetindän bu uura deyni verildiydi 50 bin ley. Ama hepsi işleri yaptılar küüyün yaşayannarı primarlan barabar, söledi Vasiliy Kapsamun.

Hep ölä Dezgincänın yaşayanı Nikolay Kiräkov Germaniyadan yolladı güreş professional matını. O da şansora döşedilmiş, zal  hazır kabletmää uşakları.

Küüyun administraţiyası teklif eder hepsi isteyennär yazılsınnar güreşmäk sekţiyasına deyni zanaatlanmaa güreşlän professional trenerlan.

Taa Vasiliy Kapsamun nışannadı,ani eski okulun ilk katında var zal taa büük uşaklar için hep güreşmäk için.

Bundan kaarä gençlär için bir maasuz dinnenmäk eri tezlää açılacek hep küüyun primariyanın zaametinnän.