Evropa Çempionatı  Muay tay  boks çeşidindä geçti Türkiyada. Onda pay aldılar sportçular 37 devlettän. Moldovanın toplum takımında yarışmaklara gittilär  Gagauziyanın sportçuları da. Onnar getirdilär altınnarı Evropadan.

Evropa Muay tay Çempionatında Moldovanın toplum takımında pay aldılar  üç sportçu  Komrat Lion klubundan. İkisi onnardan kazandılar altın ödülleri. Evropanın Çempionu oldular Egor Vlah 34 kilalık kategoriyasıda  hem Födor Kazanjı 54  kilalık kategoriyasında.

Çocukların  trenerı  Eduard Kösä  şindi bulunȇr Amerikada, ama  gözleder diil sade nicä geçerlär sınışlar, ama  ne uurda çocuklar  gösterdilär kendi becermeklerini  Evropada.  O nışannadı, ani bu pek ii başarlar.

“Duyulȇr hodulluk, ani onnar tanıttılar bizim kasabamızı, bizim devletimizi, bizim bayraa, onu kaldırdılar pyedestalda”, — urguladı Eduard Kösä.

Onun laflarına görä, sportçular taa bir keret gösterdilär, ani var nicä çok yapmaa, en önemli —  sıkı hazırlanmalar.

Bu diil ilk ödüllär, angılarını güreşçilär kazandılar halklarası yarışmaklarda. Onnar kaavi  taradılar konkurentlarını da kazandılar çempion titulunu.

Trenerın hem sınışlarda sıkı hazırlanmakların yardımınnan güreşçilär kalktılar Evropa   yarışmakların pyedestalın en üüsek basamaklarına.  Hep ölä sportçulara yardım eder yarışmaklarda pay almaa Moldovanın Muay tay federaţıyası.