Gagauziyanın daa fondu şindiki zaman 12 bin ektar kurȇr, ama 70 — 80% proţȇnt eri kaplȇȇr türlü büümnär. Bizim dolayä deyni bu pek aaz, nışannȇȇrlar daacılık uzmannarı. Zeedeletmää deyni daa fondunu küçük fidancıklar dikiler.

İş daa çorbacılıında ilk ayazlaradan gider.  Burada  büüderlär 20 soy   büüm. Canavar ayın çeketmisindän daa çorbacılıın çalışannarı paklȇȇrlar ak aaçların tohumnarını yapraklardan, ki ötää dooru ekmää onnarı, söledi  daa çorbacılıın baş uzmanı Leonid Mutavçi.

«Hazırlȇȇrız tohumnarı genç fidannarı dikmää deyni. Sora biz onnarı dikecez daalarda yada kasabalarda. Ölä biz daaları eniledecez», — söledi o.

Herbir yıl Gagauziyada eni daa dikiler, söleerlär daa çorbacılıın uzmannarı. Büütmää deyni temeldän daayı geçer per çok yıl. Bu zoor iş.

«Ölä büüdüler daa: biz çekederiz tohumnardan, nedän sora başlȇȇrız fidancıkları dikmää,  ki zeedeletmää bizim daa fondunumuzu», — annattı daa çorbacılıın baş uzmanı.

Körpä daanın baş duşmannarı  — kanona karşı hayvannarın otladılması hem aaçların kesilmesi odunnara. Gagauziyanın daa çorbacılıın uzmannarı nışannȇȇrlar, ani  avtonomiyada daa kaplȇȇr 15 proţent.