Moldova Devletin Prezidenti İgor Dodon imzaladı soţial kanon proektini, angısına görä iki sıra yılda pensiyalar büüyeceklär.

Kanon proekti pensiyaların indeksaţiyaları için 2020 – ci yıldakararlȇȇr üüseltmää pensiya paralarını iki sıra yılda aprelin 1-dän hem oktäbrinin 1 – dän. İlkyazın indeksaţiya yapılacek hepsi pensiyalara, güzün o yaşlılara, kimin aylık paraları taa küçük yaşamak parasından, devletlän kararlı.

«Onnar kendileri kablediydilär bölä indeksaţiya annaceydılar bizi. Ama biz lääzım susalım zerä bunu da vermeyceklär. Kanonnarı lääzım işlettirsinär olmasın ne fukarä ne zengin».

«Olarsaydı hepsinä indeksaţiya islää olacek, ama ayırarsaydılar 2000bin leyäkadar kim kableder- faydasız. Bän işledim 40 yıl da kablederim 2,5 bin. Kocamnan ikimiz dä onkologiyalan hastayız. Herzaman satın alerız ilaç. Ama bizä indeksaţiya olmayacek.».

«Ansızdan yardım edecek bizim pensionerlara zerä onnar aaz kablederlär».

«Pensionerlarda pensiyaları küçük sade kimisindä büük. Onnara herbir kopeyka faydalı. Hükümet lääzım taa islää baksın bu insanı».

İgor Dodon ilerletti bu kanon proektini 2015 – ci yıldan, parlamentin deputatı olarak.

 

Tekst: E.Ratkolgo, video: A.Topal, montaj: A.Gerçu