Kış vakıdına hazırlanmaklar başladı. Panayırda taa çok satın alȇrlar patlacannarı, hıyarları, biberleri, mor patlacannarı.

İnsannar hepsi lääzımnı zarzavatları savaşȇrlar evdä büütmää, ama buyılkı hava durumun beterinä ii bereket kabledämedilär. İnsannar şaşȇrlar zarzavatların üüsek paasına. Patlacannarın paası14 leyädän, biber 6 leydän başlȇȇr, morkva da 9 leyadan. Bu vakıt yapmaa kış hazırlamaklarını en ii. Ama zarzavatlar ucuzlamayacȇklar, sayȇrlar regionun yaşayannarı.

«Moldova çifçi bir devlet sayılȇr, ama fasılca, açan paalar bukadar üüsek. Bakmayarak buna ama, pensionerlär da savaşȇrlar kışa hazırlnmaa. Zoor. Kuvetlär lääzım taa dikkat bu soruşta olsunnar».

«Zor, pek zor, zarzavatların paası büüyer».

Satıcılar panıyırda annadȇrlar, ani zarzavatların üüsek paası çekiler kurak yıldan.

 

Tekst: N.Radiş, video: A.Topal, montaj: A.Gerçu