Valkaneş kasabasında derelerin paklaması geniştän yapılêr. Bu işlerin yapılması lääzım yardım etsin kasabayı su buulmasından korumaa.

Bu afta Valkaneş kasabasşnda başladılar dereleri paklamaa. Bu nietlär için kasaba bücetindän bir million 100 bin ley verildi. Nicä haberledi Valkaneşin primarı Viktor Petrioglo, bu proektin aslıya çıkarılması yardım edecek korumaa kasabayı ölä belalardan, angıları oldular 2017-ci 2018-ci yıllarda. Ozaman insannarın maazaları, evleri suylan doldular.

VİKTOR PETRİOGLO, Valkaneş kasabasının primarı:“Biz bu işleri yapêrız kasabanın may herbir bölümündä. Proekti başarmaa bir buçuk ayın süresindä plannêêrız. Şindi biz çekettik en zor erdän, Lenin sokaa, Yakir maalenin köşesi.  Orası en zor, açan büük yaamurlar yaayêrlar, var nicä buultsun ne var yolda”.
Viktor Petrioglo inanêr, ani gelecektä yaşayannarın evleri dolmayaceklar suylan.  Bütündän paklanacek 7,5 kilometra derä uzunnuu.

 

Tekst: P.Gatçu, A.Karapirä, video: A.Topal, montaj: A.Gerçu