Mediya futbol loganın 4-cü turu Komratta geçti. Onda pay alȇr 12 komanda Moldovaın üülen tarafından.
İlk oyunnar 4-cü turun süresindä geçtilär dört futbol klubların aralarında. Meydanın bir payında buluştular Kirsovo hem Tomay komandoları. Oyunun süresindä ikisida komandalar korudular kendi tokatlarını, ama buna bakmadaan kaçırdılar birär gol. Oyun başarıldı sayıylan bir-bir. Penaltiya görä 1-3 Tomay taradı.
«Meydana çıktık ii keflän, düüşmää bitkiyadan. zerä bizä lääzım taramak, da biz onu gösterdik kendi oyunumuzlan. Çocuklar pek kaavi , diil boşuna onnar ilk erdä giderlär. Konkurentımız kaavi 9 puana. Büün bän şaştım ani pek çok bolelşik geldi tomaydan, en önemni oyunumuza tutturmaa bizi».
Meydanın ikinci payında buluştular Komrat klubları Asker hem Kara beygir. Okadarke kaavi oyunda taradı kara beygir klubu sayıylan 3-2.
«Bizdä vardı istemek taramaa, da göstermää angı komanda komratta ilk. Bän däşänerim sadece sevinmelik taramaktan bizdä. Onnar kaavi komanda sıkça onnarlan oynadık. Kaavi komanda onnar».
«Halizdän duyguluydu. Bolelşiklär bizi tutturdular ilk minutlardan duyulardı kızgınık, onnar duyardılar onu meydanda. İlk gol hızlıydı, ikincida. oyun pek duygulu geçti. Biz taradık, avrdı çok meraklı moment».
İkinci oyunda meydanda karşı geldilär Futbol klubu Betakom hem Kaul. Betakom iki taymın süresindä vermedi soperniklerä şans urmaa gol kendi tokatlarına, bakmadaan ona ani vardı çok gol momentları.
«Herbir matçın önündä var duygu, bunsuz yoknicä, zerä bizim gruppada pek kaavi komandalar, da oyun geöer zor. Konkurent Kaul kavi onnarlan zor oynamaa».
Matç Kongaz hem Leovo komandaların aralarında başarıldı puansız, iki klubtan birisida yapamadı gol konkurentların tokatlarına. İki komandanın futbolcuları gösterdilär karakterını. Oyunun çıkışı penaltilerä görä 2-4. taradı Leovo Konstruktorul. Final oyunnarı geţtilär Vişnövka hem Oguzsport klubların aralarında. Oyunun çıkışı 2-3 Oguzsport taradı. Meydanın ikinci payında buluştular Galaktika hem Mayak Kirsovo klubları. Matç başarıldı 3-0 Galaktşka taradı. 4 turun çıkışlarına görä turnir tablosunda A gruppada ilk erdä buluner Betakom klubu, ikinci erdä bulunȇrlar Oguzsport komandası. Üçüncü erdä durȇrlar Kirsovo klubun futbolcuları. 3-cü erdä Kaul klubu, beşinci hem altıncı erlerdä Tomay hem Vişnövka komandaları. B gruppasında ilk basamakta Leovo klubu, ikinci erdä, üçüncüdä Kongaz bulunerlar Kara beygir komandası. Dördüncü erdä bulunerlar Galaktika futbolcuları. Tablonun bitki sıralarında Asker Komrat hem Mayak. MFL beşinci turu geçecek bu dinnenmäk günnerindä.
Moldovanın hem Gagauziyanın en mekalı haberleri GRTnın Telegram kanalında!