Çadır-Lunga kasabasının yaşayanı Maksim Popov sesleyicileri eni türküsününnän sevindirdi. Diil çoktan dünneyä çıktı onun eni türküsü, angısını o sevgili bobasına adadı.
Muzika Popov Maksimä deyni küçüklüündän taa kendisini ilerletmäk kolaylıı gibi oldu. Kendi eni türküsündä o açıklȇȇr kendi duygularını bobasına, angısı Vatandan uzakta bulunȇr.
«Maksimä geldi bir fikir, o istedi bobasına onun duuma gününä bir türkü yazmaa . O pek yalvardı bana, ki pek istäärdi onun türküsü bobası için olsun. Valeriy Kristev sesleyip, bizä bu iştä yardımcı oldu»,- söledi uşaan anası Natalya.
Türkünün laflarını hem muzikasını Valeriy Kristev yazdı, aranjirovkayı Födor Gaydarci yaptı.
«Bu iş bir solukta oldu , bän pek şaştım buna, ani etiştim evä, aldım kalemi dä bir solukta yazdım, kısa zamanda muzikasını da yazdım. Bölä duudu bizim ilk türkümüz, ama biraz vakıttan sora onnar genä danıştılar, ki bän yardımcı olayım yazmaa bir türkü Maksimin bobası için, angısı kazançta bulunȇr»,- nışannadı Valeriy Kristev.
Maksimin yakındakıları onun talantını herzaman ilerletmää savaşȇrlar. Aylesinin herzamankı destäännän Maksim şansora birkaç türkü çıkardı.
«Bän pek sevinerim onun için, ani benim çocuum pek sever muzikayı , bän herbir iştä ona yardım ederim hem destekleerim»,- çızgiledi Maksimin mamusu Natalya.
Maksimin yakındakıları çizgilerlär, ani muzikanın sınırları yok, örnek buna Maksimin incazanaatı olȇr.
Avtor: A. Terzi, operator: G. Stavilov, montaj: M.Kazaku.
Moldovanın hem Gagauziyanın en mekalı haberleri GRTnın Telegram kanalında!