Komradın muzıka okulun üürenicisi Vitaliy Aladov özel konţerdi verdi. Olay muzika okulunda klasikayı sevenneri topladı.
Kendi konţertindä Komrat muzıka okulun üürenicisi Vitaliy Aladov şannı kompozitorların yaratmalarını oynadı. Muzika okulun kultura yaşamasında bu özel olaydı, söleer muzikacı.
«Programaya, benim istediimä görä, edi yaratma ayırdık. İnanȇrım, ani siiredennär dä sevdilär»,- dedi Vitaliy Aladov.
Fortepiano klasında üüredici Natalya Barbanägrȇ büük sıcaklıklan hem hodulluklan kendi talantlı üürenicisi Aladov Vitaliy için annadȇr.
«Vitaliy başladı 17-ci asirin Minuȇt yaratmasından, sora Bahı, Kabalevskiyi, zamandaş kompozitorun hem gagauz İvan Çolaan zor yaratmasını oynadı»,- Natalya Barbanägrȇ nışannadı.
Vitaliyin anası, Marina Aladova oolun başarlarınnan hodullanȇr.
«Oolumun talandınnan hodullanȇrım»,- nışannadı uşaan anası Marina Aladova.
Мuzikaylan Vitaliy 4 yıl zanaatlanȇr, ileridä sä taa 4 üürenmäk yılı hem düş gütmesi bekleer, angısına Vitaliy büük havezlän gider.
«Profesional maȇstro isteerim olmaa, angısı kapalı gözlän oynayacek»,- paylaştı Vitaliy.
Vitaliy kendi ilk yaratmasını yazmış, onu seftä bizimnän birerdä anası hem üüredicisi işittilär.
Moldovanın hem Gagauziyanın en mekalı haberleri GRTnın Telegram kanalında!