Kongaz küüyün sport okulun terbiedenneri kazandılar altın ödülleri halklararası futbol turnirindä, angısı geçti Bulgaria devletindä kirez ayın 10 — 15 -dän. Yarışmalarda pay aldılar 16 komanda türlü devletlerdän. Gagauziyayı belli etti Kongaz küüyün sport okulun terbiedenneri. Temayı ilerleder Polina Barbova.
Kongaz küüyün sport okulun terbiedenneri çizgileerlär, ani ensemäk yolu diildi kolay. Aar trenirovkalar, aylenin tutturması hem da havez göstermää komandayı üüsek uurda oldular baş motiv faktoru. Onnar annattılar, ne maasuz onnara yardımcı oldu ensemää, hem da turnirin nesoy en ii momentleri kaldılar onnarın aklılarıda.
«Turnir islä geçti, soperniklär kaavidilär. Bizä yardımcı oldu ensemää komanda, erli o olmasaydı, biz ensämeyeceydik, komanda ruhu kaaviydi. En önemni — bu hazırlanmak».
«Turniri biz geçirdik islä, en önemni yarasız. Vardı 16 komanda, finalda zordu, bakmadaan buna, bizä uydu ensemää, sayıda 2:1. Biz kazandık ilk eri harakterin yardımınnan».
Kongaz küüyün sport okulun treneri Konstantin Stefu annattı, nicä geçtilär hazırlanmaklar turnirä, hem da nesoy kalitelär yardım ettilär ensemää Bulgariya devletindä.
«Bizä deyni bu sensaţiya ensemesi, pay almaa deyni bölä prestij hem kaavi turnirdä. Biz oynȇȇrız millet diviziyanın çempionatında, bizdä kaldı forma çempionattan sora , biz hazırlandık bu turnira yakın iki afta. Bu yıl biz oynadık eri millet duiviziyasında, biz hazırlanacez kanikullardan sora Moldovanın çempionatına, U14»,- Konstantin Stefu annattı.
Finalın dördüncülüündä Kongaz küüyün sport okulun terbiedenneri ensedilär «Атлетик» futbol komandasını Ştyefan Vodȇdan, sayıda 6:0, yarı finalda enesedi «Вииторул» (Мадарис) futbol komandasını, sayıda 6:2, ama kızgın finalda ensedi Tiraspol «Шериф» futbol komandasını, sayıda 2:1.
Moldovanın hem Gagauziyanın en mekalı haberleri GRTnın Telegram kanalında!