İyunün 22 avtonomiyanın kimi yaşamak punktlarında geçtilär anmak olayları, adalı Acızgannık gününä.
Anmak hem acızgannık günü Komratta çeketti “anmak mumu “ akţiyadan. Komrat kasabasının yaşayannarı, gençlik kurumnarı, üürenicilär, cümnä aktivistleri, geldilar tutuşturmaa deyni mumnarı anmak için hem derin duyguları göstermää millionnar ömürlerin önündä, angıları kayıp oldular İkinci Dünnä Cengindä.
«Tutȇrız aklımızda istoriyamızı. Hodullanȇrız, ani usluluk topraamızda var.Annaşmakta yaşȇȇrız».
«Bendä dedäm ömürünü kaybetti o çirkin vakıtta.Bän lääzım bakȇm o adetleri, aklıda tutȇrım o çirkin vakıtları hem olayları».
«Lääzım aklıda tutmaa, neçinki dedelerin hatırınnan biz şindi sevineriz,güleriz,illerleeriz,üüreneriz ömürün ii taraflarını göreriz. Baş iilderiz onnarın önündä, kim destek verdi buna. Lääzım aklımızda tutalım. Kimsey unudulmadı, hem bişey unudulmadı».
«Sayȇrız, ani herbirimiz lääzım aklıda tutsun o iş için ne geçirildi, ne geçirdilär dedelär, lääzım bunu evladlara da etiştirmää, korumaa adetleri, gelmää burayı hem anmaa hepsini, kim ömürünü kaybetti ozaman».
«Bän sayȇrım,ani biz lääzım sayalım te o insannarı, angıları koydular kendi yaşamaklarını, ki biz büünkü gündä yaşayalım açık gökün altında».
Kuvetlerin temsilcileri hem aktivistlär anmak memorialına çıçekleri koydular, susmak minudunnan saydılar hepsini, kim kaybetti ömürünü çirkin ceng vakıdında.
«Tutsun aklında bizim insan ne vakıtları geçirdik hem bizim gençlerä göstermää, bilsinnär bizim istoriyayı».
«Nekadar aklımızda tutacez- çirkin işlär tekrarlanmayaceklar. Bizim neetimiz – korumaa dedelerin nasaatlarını, ayoz anmayı evladlara geçirmää».
«Hadi yapalım hepsini, bizim uşaklar yaşayasınnar uslu gök altında deyni».
«Bu datayı aklıda tutmaa lääzım.Önemli gençlär bilsinnär kendi istoriyasını.Sayȇrım,ani istoriyayı enidän yazmaa olmaz hem diil lääzım, neçinki çok yıl geeri insannarın ecellerini bu data diiştirdi».
«Geldik saat dörttä uşaklarlan , çünkü lääzım uşaklara göstermää, nasıl bizä gösterdilär,açan biz gençtik, küçüktük, ani te halizdän bu istoriya».
«Biz — gençlär , lääzım aklımızda tutalım bu dataları, gelelim memoriallara hem anmaa onnarı, kim ana tarafını kurtardı».
Moldovanın hem Gagauziyanın en mekalı haberleri GRTnın Telegram kanalında!