Komrat admınıstraţiyasında «Ana Dilimiz» yortusuna adalı resim konkursun çıkışlarını açıkladılar. Bu yıl yaratma yarışmaların temasıydı «Gagauz halkın kulturası hem adetleri». Konkurs topladı bireri rayonun üürenmäk kurumnarın üürenicilerini, angıları kendi resimnerindä annatılar kendi halkın kulturası, adetleri hem varlıı için.
Konkursa yakın 150 resim hazırlandı. Onnardan ayırıldı 25 iş herbir yaş grupasında. Yaradıcılık uurunda yarışmalarda pay aldılar uşaklar 7 yaşından 17 yaşına kadar. Komnat rayonun Administraţiya öndercisi Vadım Çeban nışannadı bölä uurda toplantıların önemniini. Onun laflarına görä, bölä olaylar oynȇȇrlar en büük rolü kulturanın hem adetlerin korumasında. Herbir iş unukal, Vadim Çeban çizgiledi:«Ne için biz bunu yapȇrız? Ki taa pek işidilsin bizim dilimiz, bizim kulturamız. Burada siz görersinin pek çok meraklı resimneri, angılarını resimnedilär bizim talantlı uşaklarımız. Jüri azaları yaptılar kendi işlerini, konkursun komisiyası ayırd en ii işleri, biz isteeriz baaşışlamaa bizim uşaklarımızı. İsteeriz, ki bu konkurs her yıl geçirilsin. Sanȇrız, ani genişledecez onu. Sanȇrım, ani yıl — yıldan konkursun pay alannarı sade zeedeleneceklär».
Jüri azası Georgiy Andrieş annattı, ani ayırmaa taracıları diildi kolay. Hepsi getirilmiş resimnerdä uşaklar kendi gözlerinnän hem cannarınnan açıkladılar kendi halkın kulturasını. Komrat resim okulun üüredicisi Georgiy Andrieş nışannadı, nekadar derin pay alannar kendi resimnerindä, gösterdilär sevgiyi kendi duuma erinä hem dä dilinä.
«Vardılar işlär, bekim uymazdılar, ama aldılar islä erleri. Orada duylardı potenţial, da yoktu nasıl aykırlamaa, da notalamamaa bu uşa»,- Georgiy Andrieş annattı.
Komrat rayonun resim konkursun tarayıcıları oldu altı talantlı katılan, kimin işleri aldılar ilk erleri kendi yaş kategoriyalarında. Onnarın aralarında Beşalma küüyündän Mina Kösä adına gimnaziyasının üürenicisi Matvey Gançoglo, Kongaz küüyün Varvara Topal adına gimnaziyasının üürenicisi Anastasiya Frangu. Avdarma küüyündän İZO çevirinin pay alanı Diana Taukçi. Kongaz küüyün Todur Zanet adına liţeyin üürenicisi Anna Rıjkova, Kongaz küüyün Suleyman Demirel adına liţeyın üürenicisi Dmitriy Kostov hem da Komrat kasabasının Dmitriy Savastin adına resim okulun üürenicisi Tatyana Mihaylova.
Moldovanın hem Gagauziyanın en mekalı haberleri GRTnın Telegram kanalında!