Komratta noyabrinin dokuzunda geçti «Gagauz şarap yortusu-2024» festivalı.
«Gagauz şarap yortusu-2024»festivalı topladı her taraftan çok insan ,şarapçıları, turistleri .Bu yortuyu avtonomiyanın öndercileri açtılar.
Avtonomiyanın öndercileri, musaafirlär hem yaşayannar pek meraklandılar kultura olayın programasınnan.
«Pek gözäl bir yortu .Çok musaafirlär var her taraftan- bu beni pek sevindirer»,- Gagauziya başkanın yardımcısı Viktir Petrov söledi.
«Havaya bakmadaan, pek çok insan geldi,bu bek islä, bän sayȇrım.Kultura bizdä üüsek uurda»,- Gagauziya agrar bakanı Sergey İbrişım nışannadı.
«Bän iki keret gelerim bu yortuya.Pek meraklı, pek gözäl. Gelecäm sizä, pek islä dostlu atmosfera»,- MD Parlament deputatı Vasiliy Bolä söledi.
«Aklına getirerim ,ani her yıl bölä hava, ama hepsi üüsek uurda gider»,-nışannadı GHT deputatı.
Gagauziya yaşayannarı yortunun özelliini nışannadılar.
«Pek islää hem meraklı, beenerim bu yortuyu!»
«Gelerim herbir yıl,gözäl hem meraklı».
«Bana seksän bir yıl da bän birinci keret geldim da mayıl oldum».
Olayın pay alannarı nışannadılar, ani «Gagauz şarap yortusu-2024»bu avtonomiyanın kulturası, adeti ,angılarını lääzım korumaa hem ilerletmää. Meydanda insannar yortuyu geç vakıdınadan nışannadılar.