Dezgincä küüyün orta erindä başladılar işlär yol düzülmesindä, angısı saalık merkezinä, kliseya hem gençlik merkezinä dooru gider.
Dezgincä küüyün erli kuvetleri kablettilär kararı yapmaa yolu soţial obyektlerä dooru. Da paraları yol fondundan vermää bruşçatka koymasına Lenina sokaandan Miçurina sokaanda saalık merkezinä, kliseya hem gençlik merkezinä dooru, haberledi primar Vasiliy Kapsamun: «Biz bileeriz hem küüyülülär isteerlär burada yollar taa islää olsunnar, çünkü buradan uşaklar gezerlär şkolaya, bolniţaya, kliseya, parka, gençlär merkezinä. Deyni onnar gezsinnär islää yolda, çamurlanmasınnar».
Geçti tender da podrädçik çeketti işlemää. Burada 1600 kvadrat metrası bruşçatka koyulacek 1 million 370 bin leya, ekeldi primar.
«Çekedecez yolu yapmaa Lenina, Miçurina sokaklarınadan 93 metra, genişlii da 6 metra . Kliseya, bolniţaya, parka hem gençlär merkezinä dooru beş metra olacek genişlii hem braktık olsun nereyi maşınaları koymaa – durmak eri. Bu bizim için çok önemni. Bir ayın içindä sanȇrız bu işlär yapılaceklar. Biz görecez merkezi taa diişikli»,- dedi primar.
Dezginca küüyün yaşayannarı nışannȇȇrlar, ani yolun düzülmesi lääzımnı bir iş, neçinki Miçurina sokaanda yoktu yol soţial obyektlerä dooru.
«Elbetki lääzım. Yollar- o pek aktual bir tema. Neçinki Komrada gidärkänä lääzım herbir endää, herbir kuyuyu dolaylamaa. Yol küüya lääzım».
«Bu yol gerçektän pek lääızmdı. O gider saalık merkezinä, kliseya, gençlär merkezinä, neredä bizim uşaklar vakıdı geçirerlär, kliseya, neredä yaşlı insannar giderlär. Gerçektän uz hem düz yol bizä lääzım»
Lääzım nışannamaa, ani erindeki kuvetlär yapȇrlar hepsini, ki küü diişilsin hem da insannara taa uygun olsun yaşamaa.
Moldovanın hem Gagauziyanın en mekalı haberleri GRTnın Telegram kanalında!