GHT delegeţiyası MD-dä bulunan kimi diplomatiya missiyaları kurumnarına gittilär. Laf gider EB delegaţiyası hem Amerika Büükelçilii için.
Aprel ayın 15-dä geçän HT oturuşunda deputatlar seçtilär karar danışmaa MD işleyän kimi devletlerin Diplomatiya missiyalarına neetlän avtonomiyada var olan durumu açıklamaa. seçildi karar Aprelin 23-dä gitmää EB delegaţiyasına hem Amerika Büükelçiliinä.
«Bu gün geldik Kişinöva. İsteeriz buluçmaa EB hem Amerika büükelçilerinnän. Var çok problema, isteeriz ucunu bulmaa. Beki biz kabaatlıyız. Bu vakıdadan bizi EB delegaţiyası kabletmedi»,- dedi spiker.
Komentariyalar için biz EB delegaţiyasına telefon açtık. Onnar teklif ettilär bizä Delegeţiyanın elektron adresä meraklandıran soruşlarımızlan danışalım. HT deputatları Amerika Büükelçiliinä dä gittilär. Orada Büükelçiliin temsilcisi HT başınnan Konstantinov Dmitriylän danıştı.
«Bizi karşıladılar, buluştular bizimnän, söledilär bizä, ani onnara büün yakışmȇȇr, amma gelän aftaya oonar bizä haber vereceklär»,- nışannadı Konstantinov.
Bizim telefon danışmamıza komentariya için Amerika Büükelcelii cuvap vermedi. Hep ölä deputatlar bulundular MD işleyän TD Büükelçiliindä dä. Presa uzmannarını buluşmaya kolvermedilär. Buluçmaktan sora HT başı komentariya verdi.
«Hepsimiz barabar bir erdä annattık onnara bizim zor vakıtlarımız için, zor soruşlar için. Umutlanȇrız, ani bizim kan kardaşlarımız yardım edeceklär bizä»,- çizgiledi GHT başı Dmitriy Konstantinov.
Gelän aftaya HT deputatları Diplomatiya missiyalarına eni vizitleri gerçeklemää neetlenerlär.
Avtor: A. Terzi, operator: G. Stavilov, montaj: M. Kazaku.
Moldovanın hem Gagauziyanın en mekalı haberleri GRTnın Telegram kanalında!